Dogan Hatunî sebebê îstîfaya xo sey problemê weşîye û şuxula xo ya kême mojna.

Hatunî va, e nêeşkaya xizmeto ke şar mi ra pawitêne bîyarî ca. Hetêk ra zî problemê min ê weşîye estbî.

Pîyê Ogûzhan Ugur, Atîlla Ugur serfermandarê leşkeran bî û serranê 90î de Qoser de û zaf cayanê Kurdîstanî de fermanê xeylê vîndîkerdişê kesan, veşnayîşê dewan û kerdişê îşkenceyan dabî. Atîlla Ugur dewaya JÎTEM’î ya Qoserî de ame mehkemekerdene.

Heyetê Îmralî yê Partîya DEMî derheqê pêvênayîşanê nê di rojanê pêyênanê ke heyetê AKP û Serekê MHPî kerdî aşkerayî da

Eşkerayîye wina ya:

“Çapemeni û Rayapêroyî rê

Ma sey Heyetê Îmralî yê Partîya DEMî, seba ke babetê rojdemî yê derheqê pirosesê Aştî û Komela Demokratîke de bierzê verê cû, 15ê Temmuze de heyetê Partîya AKî reyde û 16ê Temmuze de zî Serekê Pêroyî yê MHPyî Dewlet Bahçelî reyde pêvênayîşî kerdî.

Nê pêvênayîşan de, merhaleya nika ya pirosesî, bi lez vejîyayîşê çarçeweya qanûnî û hewcebîyayîşê na çarçaweye ke bîrew cawabê hewceyan bido, ser o dayîşûgirewtişî kerdî. Kombîyayîşê ma yê nê pirosesî ser do dewam bikerê.

Ma dimaya nê pêvênayîşan de plan kenê ke wextêko tewr kilm de Îmrali de Birêz Abdullah Ocalan reyde zî yew pêvênayîş virazê.

Ma bi hûrmetî rayapêroyî danê.”

.

Nazli Duran ard ziwan ke binpaykerdişaê giranan ê sîstematîkan serra 2025î de zî dewam kerd: "Serre de Merkezê Pêroyî, şûbeyan û temsîlkarîyanê ma rê pêro pîya 889 muracatî ameyî kerdene; netîce de 24 hezar û 207 binpaykerdişê heqan ameyî tesbîtkerdene. Warê işkence û muameleyê xirabî de 2 hezar û 945 binpaykerdişî ameyî tesbîtkerdene. Nê binpaykerdişî: pirodayîş, tehdît, heqaret, zordayîşê casusîye û caardişê tecrîdî gênê xo mîyan. Datayî mojnenê ke cigêrayîşê baneyî, tekmîldayîşê payan ser o, rayîrşîyayîşê bi nîzamê leşkerî û vilakerdişê çîyanê şexsîyan de sereştişan de bi hewayêko sîstematîk dewam kenê.

Goreyê malumatanê fermîyan yê zabitnameyanê TBMMyî yê 6ê gulane 2026î, serra 2025î de hepisxaneyan de pêro pîya 1.001 tepîşteyî ganê xo ra bîyî: 869 hebî bi hewayêko xozayî, 132 hebî zî prosesê qeza yan destûrî de. Bi naye, mîyanê 1ê çeleyî û 6ê gulane 2026î de 26 tepîşteyan xo kişt û hetê meqamanê fermî ra ame vatene ke înan ra 14 heban dermanê psîkîyatrîkî şuxulnayêne."

Nazli Duran tekîd kerd ke beşêko muhîm ê binpaykerdişanê heqê cuye netîceyê ihmalan o. Tedawînêkerdişê nêweşîyanê giranan, ereykerdişê sewqkerdişê nêweşxaneyan û şert û mercê neweşî yê rakewtişî: "Bi naye, xirabîya psîkolojîke ya rejîmê tecrîdî, mergê şikdarî û xokiştişî resayî sewîyeyêka xemgîne. Pê heme hişyarîyanê keye û avûkatan zî tedbîrê lazimî nêameyî tepîştene; tayê vaqayan de tepîşteyî heta ke ganê xo ra bîyî, hucreyan de ameyî tepîştene.

Goreyê datayanê ÎHDyî, hepisxaneyanê Tirkîya de tewr kêmî hezar û 412 tepîşteyê nêweşî est ê; 335 hebê înan statuyê nêweşê giranî de yê: 230 tepîşteyî nêeşkenê tena bi sereyê xo cuya xo dewam bikerê, seba 105 tepîşteyan ê mitaqayî piştîdayîşêko domdar lazim o û 188 tepîşteyî ganî binê çimdarîya tibî ya biserûbere de bêrê vindarnayene. Raporê Sazgehê Tibê Edlî (ATK) krîteranê zanistî û huqûqî ra dûrî yê."

Nazli Duran veng da ke hepisxaneyan de şert û mercê ke rûmetê merdimî rê munasib ê, bêrê temînkerdene û binpaykerdişê heqan biqedîyê.

"Seba parekerdişanê mi ez ameya girewtiş"

Berakatoğluye aşkere kerd ke a seba parekerdişanê medyaya sosyale destbend bîya û wina va: "Dîyarbakir de seba parekerdişanê mi ez ameya girewtiş. Seba îfadeyî vengdayîş nêbi, bi wesayîto zirxîn keyeyê mi ra ez girewta. Ez ageraya DYA ke uca de azadîya fîkrî bînê pawitîşî de yo. Ez seba ke vera DAÎŞî qisey kerdo."

Berakatoğluye eynî wext de îdarekara DÎTAVî ya û wextê verênî de akerdişê Mektebê Keynayan ê Suryanîyan de ca girewtbi. Derheqê hedîse de tehqîqat ame dest pêkerdiş.

Bilmezî hesabê xo yê medyaya sosyale ra bi sernameyê “Seba Rayaumûmî” beyanatêl weşana û da zanayîş ke roja 3ê temmuza 2026î de bi teblîgatêko fermî wezîfeyê ra ame girewtiş.

Bilmezî wîna va:

“Seba ke mi qerar da ke ez derheqê Kurdan, Elewîyan, heqanê ziwanî û kêmnetewan xebatan bikî û mi qirkerdişê Dêrsimî ser o kitab vet, ez wazîfe ra ameya girewtiş.”

Bilmezî qeraro ke wezîfeyê ey ra ame girewtiş sey “bêhuquqî, bêetîkî û sîyasî” name kerd û da zanayîş ke pîya bi avikatanê xo do prosesê huquqî bido dest pêkerdiş.

Goktaş, 2ê Temuze de wexto ke teberê welatî ra agerayêne, Teyaragehê Îstanbulî de ame girewtiş û ey berdî Merkezê Emnîyetî yê Îstanbulî. Goktaşo ke emnîyet de îfadeyê xo da, şewêk uca de mend.

Komedyen Deniz Goktaş Adliyeya Çağlayanî de zî îfade da dozgerîye. Dozgerî bi waştişê tewqîfkerdişî şawîya dadgeh. Dadgehî zî bi sûcdarîya ke “heqaretê serekkomarî kerdo” û “ercê dînî qij mojnayo” qerarê tewqîfkerdişê Deniz Goktaşî da.

Mesajê Hemsereka Pêroyî ya DBP’yî Çîgdem Kiliçgun Uçar wina yo: “Dardekerdişê Şêx Seîd û 46 hembazanê ey ser o 101 serrî derbas bîyî; mîrasê înan zerrîya nê erdan de cuya xo domneno. Dardekerdişê Şêx Seîd û embazanê ey eynî wextî de destpêkê polîtîkayanê îmha û înkarê seserrî yo ke ziwanê komelî, kultur û îradeyê kolektîfî hedef gêno. Ez vernîya vîrameyîşanê înan de ebe rêzdarî û hesrete vileyê xo çewt kena.”

‘Ê sey pêşenganê nemiran kewtî tarîxê şarê Kurdî’

Mesajê Hemserekê Pêroyî yê DBP’yî Keskîn Bayindîrî zî wina yo: “Ez Şêx Seîd û embazanê ey ê ke vera fehmê yewperest û înkarî bi ruhêko xoverdayox vindertî û sey pêşenganê nemiran kewtî tarixê şarê Kurdî, reyna bi rêz û minet ana xo vîr.

Sebebê ke Şêx Seîd û embazê ey berdî dardekerdiş, referansê bingehîn ê awankerdişê dewrê aştî û demokratîk ê ke ma ewro têkoşînê ci kenî. Labelê vera sîyasetê înkar û yewperestî wayîrvejîyayîşê têkoşînê çareserîya na seserre, wezîfeyêko tarixî yo. Rayîrê serkewtişê nê têkoşînî yo sereke zî; awankerdişê Yewîya Neteweyî ya Kurdan o û averberdişê sîyasetê demokratîkî yo. Bi nê hawayî ma eşkenî mîrasê Şêx Seîdan rê wayîr vejîyê û xeyalanê înan bîyarî ca. Bi rêz û minet…”

Beyanatê PWK wina yo :

Serekê Netewî yê Hereketa Netewî a Kurd a 1925î Şêx Seîd û 46 hevalê xwu 101 serr verî roja 29.06.1925 de, hetê Dewleta Tirkîya ra ameyê dardekerdiş.

Şêx Seîd û embazê xwu, hetê mehkemayêka korsane ra bi şeklêko bêhûqûqî û bi binpaykerdişê hûqûqê mîyanneteweyî, bi cezaya îdamî Berê Koyî yê Amedî de darde bîyê.
Dewleta Tirkîya heta nika zî cayê mezelê Şêx Seîd û hevalanê ey eşkera nêkerdo.

Dewleta Tirkîya, gereka semedê nê dardekerdişan şarê Kurdistanî ra uzrê xo biwaza û cayê mezelanê şehîdan eşkera bika.

Dewaya ke Şêx Seîd û embazanê xwu seba ci cuya xwu feda kerda, bi şehadetê sehezaran torinanê Şêx Seîdî, bi xebat û mucadeleyêko welatperwerane, ewro zî her çar perçeyê Kurdistanî de berdewam a.

Şêx Seîd û heme şehîdê dewaya azadîya Kurdistanî, sey 70 mîlyon Kurdanê cîhanî û heme Kurdistanijan, paweyê mijdanîya azadî û xoserîya Kurdistanî yê.

Bi her hawa serkewtiş û statuteyêko sîyasî her parçeyê Kurdistanî de, do ruhê şehîdanê ma şad biko.

Serrgêra înan a 101ine de ma Şêx Seîd û 46 hevalanê ey ê ke ey reyde ameybî dardekerdiş, Xalid Begê Cibrî, Yusuf Ziya Beg, Elî Riza Beg, Bahaddîn Beg, Faîk Beg, Mele Evdirrehmanê Şirnexî, Dr.Fuad û deshezaran merdimê ke demê serewedaritiş û serewedaritişî ra di serrî badê cû ameyê qetil kerdiş û heme şehîdanê Kurdistanî bi hurmet yad kenê.
29.06.2026

Buroyê Çapkerdiş yê Partîya Welatparêzanê Kurdîstanî (PWK)

Fotograf de aseno ke sihetê Demîrtaşî ca de yo morale ey zî baş o, huyeno.

Gelo do partîyêka newe awan biko?

Hetê bînî ra yeno îddakerdiş ke Özgür Özel qerar dayo ke partîyêka newe awan biko. Sebebê nê qerarî zî no yo ke Kemal Kılıçdaroğlu bi qerarê mehkem asey Serekê Pêroyî yê CHPyî ame tayînkerdiş û ey da zanayîş ke ê nêeşkenê şêrê kongre.

La yeno vatiş ke Özgür Özel û Serekê verên ê Şaredarîya Girdî ya Însanbulî Ekrem İmamoğlu yo ke nika Hepsxaneyê Silivri de yo partîyêk ronê.

Goreyo ke ame zanayîş Hemserekê HDPyî yo verên Selahattîn Demîrtaş o ke qasê des serrîyo ke hepisxane de yo waştişê Kiliçdaroğluyî red kerdo û vato, ez nêwazena ey dir pêvînayîş bikî.

Goreyê beyanato ke hetê hesabê fermî yê medyaya sosyale ya TBMMî ra ame dayîş de wina ame vatiş:

"Ame aşkerekerdiş ke nê prosesî de serkewtişê pîlî û averşîyayîşê muhîmî ameyê vînayîş. Sîyaset zî mesulîyetê xo ardo ca û netîceyî xêrinî ameyê girewtîş. Pêvînayîş de ame vatiş ke seba serkewtişê prosesê 'Tirkiyaya bê Terorî', parlamento de vetişê qanûnan zaf muhîm o."

Qerarî de dîya zanayîş ke ê bi amancê sîyasî ameyê girewtiş û binpaykerdişê heqê înan û rîyê qiseykerdişanê sîyasîyan ra sucdarkerdîşê înan, krîterê huqûqî nîyo.

Dosya do aşma êlule de reyna bêra erjnayene

Komîteya Wezîran qerar da ke erjnayîşê dosyaya Selahattîn Demîrtaş û Fîgen Yuksekdag, kombîyayîşê 1569. ê Heqanê Merdiman de dewam bikero ke do aşma êlula 2026î de bêro kerdene.

Ame dîyarkerdene ke bi nê qerarî goreyê Telîmatnameyê Partî hem Meclîsê Partî hem zî Komîteya Rayberîya Merkezî yê ke ameyê weçînitene, bi hewayêko fermî betal bîyê.

Wexto newe ame aşkerekerdiş

Amed de bi tewrbîyayîşê Serekê Pêroyî yê DEM Partî Tuncer Bakirhan, Serekê Partiya Herêmên Demokratîk (DBP) Çîgdem Kiliçgun Uçar û Keskîn Bayindir, parlamenter û serekê şaredariyan ê DEM Partî bernameyêk ame viraştîş.

Bernameyo ke nameyê ey “Deklarasyona seba Mîtîngê Azadî” bi de wextê neweyî yê mîtîngan ameyî aşkerekerdiş. Goreyê beyanato ke ame dayîş, 27ê hezîrane de Wan û Mersîn de, 28ê hezîrane de zî Amed û Estemol de seba Ocalanî mîtîngî yenê viraştiş

Naye ser o verê berê Meclîsî de têmîyankewtiş vejîya û mabênê hetgiranê Kemal Kiliçdaroglu û Ozgur Ozelî de tengijîyayîş qewimîya. Wexto ke krîz dewam kerdêne Kemal Kiliçdaroglu qerar da ke beşdarê kombîyayîşî nêbeno û saetanê vernî de do Merkezê Pêroyî yê CHP’yî de eşkerayîyêka nuştekî bido.

Reyna Serekê Meclîsî Numan Kurtulmuşî zî Kemal Kiliçdaroglu rê nuşteyêk şirawit û diyar kerd ke ê bi mazaretê “Asayîşî” seba kombîyayîşê CHP’yî zîyaretê welatijan qebul nêkenê, do destûr nêdîyo welatijî tewrê kombîyayîşê grûbe bibê.

Eşkerayîya ke hetê Serekîya Teşkilatî ya AK Partî ra ameye kerdene de, sebebê girewtişê wezîfeyan wina ame eşkerakerdiş:

“Seba ke estbîyayîşê sîyasî yê partîya ma yê bajaran de biresa sewîyena tewr berze, dima ke erjnayîşêko hîra ame kerdene, 4 bajaran de wezîfeyê serekan ameyî vurnayene.

Bajaranê ma Adana, Dîyarbekir, Giresun û Sêrtî de serekê bajaran ê neweyî pîya bi heyetanê xo yê îdareyî wextêko kilm de do dest bi wezîfeyê xo bikê. AK Partî tena partîyêka sîyasî nîya. A, temsîlkara rayraşîyayîşê ma yê şaristanî ya ke do seba mazlumanê dîna bibo hêvî. Ma xebatanê rêxistina xo bi nê hişmendî û vurnayîşê mîyanê xo bi nê mesulîyetê berzî rayra benî. Ma sipasîya xo pêşkêşê serekanê bajaran yê ercîyayan kenî ke bi ked û xebata xo paştgîrîyêka bêemsal day têkoşînê ma. Hedefê ma, binê serekîya Serekê ma yê Pêroyî, Serekkomarê ma Birêz Recep Tayyip Erdoganî de, resayîşê hedefanê Seserra Tirkîya yo.”

Pervin Buldanî pare kerd

Endamê Heyetê Îmraliyî Pervin Buldan, ziyareto ke Selahattin Demirtaşî dir kerd, dima fotografêk pare kerd. Buldane wina va: "Fotografê ke mi ziyareto peyên de Selahattin Demirtaşî reyra antî, newe kewtî destê mi. Selam û hurmetê ma estî."

Fotografê Selahattin Demirtaşî medyaya sosyale de demêko kilm de vila bîyî.

Bi nê qerarî ra dima, Kemal Kılıçdaroğlu ewro avukatê CHPyî Çağlar Çağlayan, Mehmetcan Keysan û Hazar Kardaş wezîfe ra girewtî.

Se bibi?

Dawayê ke seba betalkerdişê Kurultayê 38inî û Kurultayê 21inî ê CHPyî ameybî akerdiş de, Daireya Huquqî ya 36ine ya Mehkemeyê Edliyeyê Herêmî yê Anqara seba her di kurultayan zî qerarê "mutlak butlanê tedbîrî" da.

Goreyê qerarî, Serekê Pêroyî yê CHPyî Özgür Özel û îdareyê ey wezîfe ra ameyî dûrîvistiş. Serekê Pêroyî o verên Kemal Kılıçdaroğlu û endamê Meclîsê Partî (PM) ê ke verê kurultayî wezîfe de bîyî, semedê tedbîrî ageyray wezîfeyê xo.