Morenoyî va“Ewro ez Amedsporî ra xatir wazena, embazanê xo rê û xusûsî pêro terefdaran ra xatir wazena. Ma pîya bibî taximêko weş, înan tim paştî da ma. Bi keyfweşbîyayîşê şampiyonbîyayîşî sereyê mi berz ez şina. Ez seba keyeyê xo û şima şansêko hol wazena.”

Morenoyî mesajê xo bi emojîyanê qelbê kesk û sûre temam kerd.

Daniel Moreno ke Amedspor de sey forvetî ca girewtêne, mîyanê kaykeranê kadroyê ekîba keske û sûre de serra 2025-2026î de TFF 1. Lig de bibi şampiyon û vejîyabî Super Lig.

Serdozgerîya Cumhurîyetî ya Ankara, derheqê tehqîqato ke vera Özgür Özel û Veli Ağbabayî de yeno rayberdiş de beyanat da.

Serdozgerîye da zanayîş ke derheqê Özel û Ağbabayî de çarçiweya sûcê rûşwetî de, bi waştişê wedarnayîşê parlamenterîya înan fezleke amade bîyo.

Ame vatiş ke fezlekeyê ke ameyî amadekerdiş, sewqê Wezareta Edaletî ameyê kerdiş.

Trabzonsporo ke verê sezona newîye xebatanê transferî rê dewam keno, transferê Mohamed Salahî de resa netîceya weşe. Ame vatiş ke klubî netîceya munaqeşeyanê nimîteyan ke wextêko derg o rayberdêne, bi estareyo misirîj reyde werê ame.

Goreyê xabera T24î, pawîyêno ke transfer wextêko kilm de bi hawayêko resmî bêro eşkerakerdiş; hetê bînî ra ame nuştiş ke Salah do şanê 5ê Tebaxe de bêro Trabzon.

Futbolbazê Amedsporî Cem Ustundag deqîqeyê 19.de gola ewilîne eşte û Amedspor skor kerd 1-0. Dima ra forvetê Amedsporî Mbaye Diagne deqîqeyê 27. de golêko bîn eşt û skor bî 2-0. Dewreyo ewilînê maçî bi nê skorî qedîya. Dewreyo dîyin ê maçî de her di taximan zî bê gol teman kerd û maçê 2-0 bi serkewtişê Amedsporî qedîya

Orbano ke Fransa, Almanya, Îtalya û Belçîka de kay kerdbi, sey santrfor wazîfe keno.

Gift Orbano ke hîna 24 serre yo Norveç, Belçîka, Fransa, Almanya û Îtalya de kay kerdbi; bi tecrûbe û wesfanê xo yê goleştişî, mîyanê nameyanê ke pawîyêno feyde bidê Amedsporî de ca gêno.

“Kulûbê ma, çarçoveya plankerdişê kadroyî yê sezona 2026-2027î de, qelewananê tewr muhîman ê futbolê Fransa ra Alban Lafontê o serrî 27 reyde pêame. Lafontî bi tecrubeyê xo yê sewîyeya berze yê Fransa Ligue 1 û Îtalya Serie Ade, mîyanê qelewananê tewr balkêşan ê futbolê Ewropa de ca girewt. Qelewano serkewte yo ke formaya Toulouse, Fiorentina û Nantesî da xora, tecrubeyêko pîl ê mîyanêneteweyî qezenc kerd. Seba Alban Lafontî ma vanî ‘ti xeyr ameyî keyeyê Amedsporî’ û binê formaya ma ya kesk û sûre de serkewtişan wazenî.”

Amedspor û Duhokspor do 30ê temmuze de, maçêkê dostîye de bêrî vernîya yewbînan.

Duhokspor û Amedspor amadekarîyanê xo yê serdemo newe domnenê. Serekê Duhoksporî Abdullah Celalî, Serekê Amedsporî Nahît Eren û taximê Amedsporî zîyaret kerd. Zîyaret Tesîsanê Amedsporî yê Şehmûs Ozerî de ame kerdiş. Nê zîyaretî de serekê her di taximan formayî dîyarîyê yewbînan kerdî û fotografî girewtê. Goreyê planê her di taximan, Amedspor û Duhokspor do 30ê temmuze de maçêkm dostîye de bêrê têhet.

Kampê hamnanî yê taximan

Duhokspor do seba serdemo newe kampê xo şaristanê Isparta yê Tirkîya de bikero. Amedspor zî dima ke kampê Erziromî biqedêno, do şîro kampê diyîn û nê zî şaristanê Burdur yê Tirkîya de bikero.

Seba ke tarîxê kampî yê her di taximan nêzdîyê yewbînan ê, Duhokspor û Amedspor do 30ê temmuze de şaristanê Burdurî de maçêkê dostîye kay bikerê.

Ame vatiş ke Dellova wextêko derg o pozîsyonanê pawitişî, pawitişê hetê rastî û pawitişê hetê çepî de eşkeno kay biko. Amedsporî derheqê transferî de nê agahîyî day: "Taximê ma çarçiweya plankerdîşê kadroyê serdemê 2026-2027an de, kaykerdoxê mîlî yê Kosovayî Lumbardh Dellova de pîyameyîşê 3 serran îmza kerde.”

Amedsporî Lumbardh Dellovayî ra ti xeyr ameyî û binê formayê kesk û sîre de ey rê serkeqtiş waşt.

Seba ke nifûsê Fasijan ê ke Fransa de ciwîyenî zaf o, bi xususî paytext Parîs de tedbîrê hîrayî yê asayîşî ameyî girewtiş. Ame eşkerakerdiş ke seba pîrozkerdişanê badê maçî û hedîseyanê muhtemelan tedbîrî ameyî zêdekerdiş.

Serra 2022î de 167 kesî ameybî girewtiş

Fransa û Fas, Kupaya Dinya ya 2022î ya Qeterî de nêmefînal de ameybî têver. Fransa no kay 2-0 qezenc kerd û vejiya fînal.

Maçî ra dima cîya-cîya bajaranê Fransa de hedîseyî vejiyayî û 167 kesî ameyî girewtiş.

Misier nêmeyê verên 1-0 vernî de qedîna. Nêmê dîyinî de zî Misir skor kerd 2-0.

Messîyo ke nêmeyê verênî de nêeşkabi penaltî biko gol, peynîya maçî de xo mojna. Messî bi asîstê xo yê deqîqaya 79ine û bi gola xo ya deqîqaya 84ine skor kerd 2-2.

Arjantîn pê gola ke deqîqaya 90+2 de hetê Enzo Fernandezî ra amey eşti skor kerd 3-2. Bi nê hawayî, şampîyono peyên vejiya çarêkfînal.

“Ez do samîmîyetê Dîyarbekirî xo vîr ra nêkerî”

Ece Kardeşlerî mesajê xo de va ke Dîyarbekir de tena futbol kay nêkerd, eynî wext de dostanîyê ercîyayî zî peyda kerdî û wina va: “Seranserê nê wextê ke mi tîya de vîyarna de, mi tena seha de mucadele nêkerd; mi bajarêko weş şinasna, zaf merdimê ercîyayî qezenc kerdî û xatireyê ke ez nêşena xo vîr ra bika arê kerdî. Ez do samîmîyetê Dîyarbekirî û heskerdişê merdimanê nê bajarî tim bi hawayêko weş bîyara vîrê xo.”

Kardeşlerî da zanayîş ke mîyanê kadroyê ke Amedsporî tarîxê xo de seba reya verêne vejiya Lîga Super de ca girewtiş seba ey rûmetêko pîl o û va: “Bîyayîşê parçeyê kadroyê ke tarîxê xo de reya verêne vejiya Lîga Super seba mi do sey xatireya ke nêna vîrkerdiş bimanî.”

Ece Kardeşlerî mesajê xo yê xatirî de sipasîya xo pêşkêşê îdarekeranê kulûbî, heyetê teknîkî, hevalanê xo yê taximî û terefdaran kerd û va: “Mîyanê nê wextî de ez sipasîya xo pêşkêşê îdarekeranê ma, xoceyanê ma, hevalanê xo yê taximî, xebatkaranê kulûbî û terfdaranê ma yê ke her wext paştî dayê ma kena. Gama ke ez şina, dima ra dostanîyan, xatireyanê weşan û hîkayeyêka zaf taybete ya ke ma pîya nuşte veradana.”

Besnik Hasî sey direktorê teknîkî yê neweyî yê Amedsporî dest bi wezîfeyî kerd û ey dir pîyameyîşê 2 serran ameye îmzakerdiş.

Besnik Hasî yo ke 54 serre de yo, karîyerê xo yê direktorîya teknîkî Anderlecht de dest pêkerd. Direktoro tecrubeyîn o ke temsîlkarê Belçîka ra dima Legê Varşova, Olympiakos, Al Raed, Al-Ahli û Mechelen de zî wezîfe kerd, tewr peyên zî reyna antrenorîya Anderlechtî kerde.

Haso ke kupanê Ewropa de zî wayîrê tecrubeyêko pîl o, seranserê karîyerê xo de cîya-cîya welatan de, kulûbanê sewîyeya berze de wezîfe kerd.

Hemsereka Şaredarîya Bajarê Girdî ya Dîyarbekirî Serra Bucake, temsîlkarê dezgehanê komelê sîvîlî, merdime karî û zaf delegeyî tewrê kongre bîyî.

"Ma do romano nêmcet bikê temam"

Kongreya ke Metin Kilavuzî Serekîya Dîwanî kerd de, mîsyonê komelkî yê Amedsporî ser o ame vindertiş. Kilavuzî qiseykerdişê xo de wîna va: "Amedspor tena taximê yew şaristanî nîyo, taximê şarî yo. Ma do goreyê rûhê nê prosesî, romano ke nêmcet mendo bikê temam."

Netîceya raydayîşî de, Nahit Ereno ke destekê 300 delegeyan girewt, sey serekê 10inî yê kulubî reyna ame wazîfedarkerdiş.

Heyetê îdareyî yo newe yê Amedsporî (Lîsteyo Asîl):

Nahit Eren (Serek), Seher Akçınar Bayar, Talip Sümbül, Şengül Saruhanoğlu, Mithat Çiftçi, Bengi Berfin Odabaşı Tunca, Nedim Şimşek, Özlem Külahçı Tanaman, Melih Nazlıcan, Narin Narinova, Taha Ülgen, Songül Bayram Alak, Nimet Taş, Mülkiye Yekza İnanır, Önder Çiçek, Emel İzgi Demir, Ahmet Ülmez, Mehmet Reşit Akıl, Ömer Faruk Yıldırım, Kamuran Azizoğlu, Serhat Demir, Mahmut Arslan, Eser Sönmez, Nevzat Günay, Hadi Yakişan, Mustafa Altın, Bişar Duran, Nurettin Yıldız, Ender Vural, Amed Uluğ, Aziz Aslan.

Rewşa PSGyî çi ya?

PSGyî bi 14 pûanî rêza 11ine de mend û play-off de kay kerd. Badê vera Monaco, Chelsea û Liverpool serkewt. Qonaxê nîmfînalî de zî taximê Bayern Münihî maexlub kerd û bi fînalîst.

PSG 3 reyo ke fînal de micadele keno. 2020 de vera Bayern Münihî 1-0 vîmdî kerd, la par vera Interî 5-0 serkewt kûpa gîrewt.

Fînalî ver, nêzdîyê 50 hezar futbolhezî şîyî Budapeşte. Otelî zî heme bîyê de; fîyatê odanê 4 kesinan 250 Euro ra vejîya 3 hezar Euroyî.

Endamê îstîşareyî da zanayîş ke serkewtişê Amedsporî yo tewr peyên tesadûf nîyo. Înan xususen qala sîstemê îdareyî, disiplînê malî û hetgiran ser o mişewre kerd. Pîya qerar ame girewtiş ke Nahit Eren do reyna bibo serekê kulûbî û teka o do namzet bibo.

Amedspor, na mesele ser o do ewro beyanatêk bibo.

Eke kombîyayîşo yewin de zafanî nêbo, kombîyayîşo diyîn 8ê Hezîrane de, eynî saete û eynî ca de virazîyeno.

Nahît Eren: "Ma bi saya şima qezenc kerd" ,

Serekê Klûbî Nahît Erenî merasîm de qisey kerd û taximê Mardin 1969 Sporî pîroz kerd ke vejîyabi Lîga 1. Erenî waşt ke Mardin zî nêzdî de vejîyo Lîga Sûpêrî û va: "Ma sey Amedsporî serkewtişêko pîl gîrewt, ma bi saya şima qezenc kerd. Ma pîya xemgîn bîyî, ma pîya hêrs bîyî, ma pîya rayîr şîyî û ewro ma na kûpa arda nê şaristani. Ma qet bawerîya xo vîndî nêkerde, ma şima rê bawer kerd."

"Ziwan û kulturê Amedsporî seba aşîtîye yo"

Erenî qiseykerdişê xo rê wina dewam kerd: "Ganî her kes bizano ke ziwan, reng, nasname û kulturê Amedsporî seba aşîtî, rindîye, bîratî û dostanîye yo. Ma pîya ser kewtî. Verê her çî ez futbolbazanê ma pîroz kena ke înan no serkewtiş viraşt. Ez heyetê teknîkî, xebatkaran û terefdaranê Amedsporî pîroz kena ke bi serran o kede danê."

Serekê taximî û qeleparêz Erce Kardeşler zî xebatkaranê klûbî rê spas kerd. Dima qiseykerdişî futbolbazî vejîyayî sehne, madalyayê xo gîrewtî û kûpaya şampîyonîye berz kerde. Asmên ser o bi dronan bi Tîrkî û Kûrdkî "Şampîyon Amedspor, ma ser kewtî, ma ameyî" ame nusînayîş.

Program de Serekê DTSOyî Mehmet Kaya, Sereka Şaredarîya Bajarê Pîlî Ayşe Serra Bucak Küçük, Alîkarê Serekê CHPî Sezgîn Tanrikulu, temsîlkarê dezgehanê sîvîlan û zaf karsazî zî ameyî têhet.

Xebere Enwer Yılmaz

Golî nêmê verênî de ameyî

Golê ke Barcelona kerdî şampîyon, nêmê verênî yê maçî de ameyî. Wayîrê keyeyî, deqîqa 9. de bi golê Marcus Rashfordî kewtî vernî. Barcelona deqîqa 19. de bi golê Ferran Torresî ferq vet di. Barcelona nêmê verênî de serkewtişê xo pawît.

Camp Nou de coşêko pîl

Bi qedîyayîşê maçî, trîbûnanê Camp Nou de şayîyêka pîle virazîya. Terefdaran pîya bî futbolbazan şampîyonîya xo pîroz kerde. Heyetê teknîkî û kaykerdoxan terefdarî selam kerdî.

Ferqê pûanan bî hîra

Bi nê serkewtişî Barcelona pûanê xo kerd 91. Real Madrid zî 77 pûan de mend û rêza diyîne de ca gîrewt. Verê qedîyayîşê lîgî, ferqê pûanan bi hira û Barcelona şampîyonîya xo hetê matematîkselî ra kerd garantî.

Mucadeleyo ke nêzdîyê 33 hezar heskerdoxê futbolî taqîb kerd de temsîlkarê Mêrdînî bi serkewtiş saha ra abirîya û şampîyonîya xo îlan kerde.

Nêmeyê verênî yê maçî de Mardîn 1969 Sporo ke pê golê Mertan Öztürkî kewt vernî, nêmeyê dîyinî de bi golê Mîraç Acerî ferq vet 2.

Mûşsporî deqaya 73yîne de pê golê Bîlal Budakî ferq ard yew. Mardînsporo ke maç de serdestîya xo ya skorî pawite bi şampîyo.

Sîyasetmedaran zî taqîb kerd

Maç hetê Wezîrê Xebate û Asayîşê Komelkî Vedat Işıkhanî ra zî trîbun de ame taqîbkerdene. Sîyasetmedar Ahmet Türk, Sirri Sakik, Parlamenterê CHP yê Dîyarbekirî Sezgîn Tanrikulu û Hemsereka Şaredarîya Bajarê Girdî ya Dîyarbekirî Serra Bucake zî maçê fînalî seyr kerd.