Ez ge-ge xo bi xo tay çîyanê kilma nusena. Ez înan hesabanê xo yê medya sosyale de vila kena. Xora bi ziwanê ma çi bêro merdimî vîr merdim binuso baş o.

Ez zî wîna kena. Ez wazena înan şima dir pare bikî.

1-Ez çend serrî verî Îstanbul de bîya mêmanê çend şinasîyan. Keye de çend kesê bînî zî estbî. Karê înan dizdî bi. Yewî pers ker va, ti zî diz î? Mi va ney ez dizd nîya. Va, ti esrar roşenî? Mi va, ney ez nê çîyan nêkena. Va, çi îşê to esto tîya de? Mi va, haydê xatirê şima...

2-Ez ewnîyena derdorê xora ke her kes çîyêk weno. Seke bi serrano veyşan ê. Wenê labelê onca mird nêbenê. Ez vera înan şermîyena. Kena nêkena çîke mi qirike ra nêşino war. Ez pê înan şaş manena. Nê kesî çi ça ra ameyê? Ez çira nika mîyanê înan de ya?

3-Senî ke ez bufe ra kewta zerre ti uca de bîya. Xeyalê bi serran amebi ca. Çi gamêka tarîxî û şahane! La to xo kerd raşt û ti şîya. Ney... Gere mi o raştameyîşê ma qeyd bikerdêne. Mi yew colaya serdine şimit, tenekeyo veng ard keye. Nika ez wenîyena ci ra. Seke ewnîyena to ra

4-Belkî mi çend vateyê weşî bivatêne rîyê înan tay bihuyayêne. Raştîyê ke mi vatî weşê înan nêşibî xora. Xemê mi de nêbi tabî. Qêmetê tîza herî înan ra zaf a nika çimê mi de. Xora mi nêwaştêne wa mi ra hes bikerê û bi ê rîyê xo yê bêrûçikî mi rê bihuyê û qisey bikê.

5-Rîyê înan manenê rîyê xozan. Zerrîya înan bibî sey jehrê marî. Qiseyê înan sey vengê cinawiran bî. Ez se ra şîyêne rîyê înan... Rîyê înan o dirî, bêri mi çiman ver o bi tim.

6-Va, ez hamnanî ra hes nêkena Mi va, qey? Va, zimistan çekêtê mi estê. Heme zî bi qalîte yê. Ez eşkayêne pê înan fors bikera. La nika! Nika ma pêrûne ser o tîşortî estê. Pê tîşortan fors nêbeno. Mi va, ti zî çekêtanê xo xora bide onca. Naye ser ma êdî çîke nêvat..

7-Ma dewe de ronişte bî. Verê ma ra yew hero qer vîyart. Mi va, tay însanan ra bêzerar o no her Ey va, her her o, heta şan zireno, çereno, şimeno, fişqî keno... Mi va, sankî ti çîyêko bîn kenî!

8-Ewro ma veyveyan ser o qisey kerd Gelo veyve hamnan weş o yan zimistan? Ey va hamnan weş o mi va zimistan Va, hamnan serê hewzan de virazenê merdim pê honik beno Mi va zimistan salonan de virazenê merdim zere de germin beno Mi fehm kerd ke krîterê ma goreyê dereceyê hewayî yo

9-Ez zehf kuna merdimanê dinyanedîyan ver. Çimkî ez nêşkena înan ser o analîzêk bikî. Belkî ez eşkena derheqê her grûbe de çîkêk vajî la wexto ke mewzû bena merdimanê dinyanedîyan, fekê mi gêrîyeno. Ma qij bî pîlê ma tim ma rê vatêne, "îna meke, sey dinyanedîyan meke"

Hûmara mamosteyan de Çewlîg bi 17 kesan rêza verêne de ca gêno. Çewlîgî ra dima bi 9 mamosteyan Dîyarbekir û bi 5 mamosteyan Dêrsim yeno. Şirnex de 2 mamosteyê zazakî estê, Riha de zî na hûmare tena yew kes a.

Goreyê bajaran vilabîyayîşê mamosteyan:

Çewlîg: 17 mamosteyî

Dîyarbekir: 9 mamosteyî

Dêrsim: 5 mamosteyî

Şirnex: 2 mamosteyî

Rıha: 1 mamoste

Meydanê Palavra de di sîyasetçî raste jubînî bene. Sone park de nîsene ro çay simene û sîyasetî ser o qeseyî kene. Desinde dadese kesî dorme de bene top.

Sîyasetçî yo viren vano “na cûrcûna weçînayîsî vêrde ra şîye. Ma kerd vînd, sima ser kewtî, amenna. Gûne însan dest vîcdanê xo ro no raştîye vaco. Ma pêro sîyaset keme ama na kerdena sima qe qewil nêbena. Sima demokrasî, cûmhûrîyet-mûmhûrîyet nêverda şî partîyade henene de îttîfaq kerd ke ez qe îman nêben însan çiturî çîyo nîyanen bikero!”.

Sîyasetçî yo bîn qe îstîfê xo nêvurneno. Vano “Gûne însan dest vîcdanê xo ro no raştîye vaco. Sima şî partîyade henene de îttîfak kerd, protokol o dijdîya îmza kerd ke ez qe îman nêben, çepgîrenî, adalet, demokrasî yo sosyal-mosyal nêverda, qe îman nêben!”.

Cerene ra dormê xo de nîyadane. Keşî ra veng nêvecîno! Ju Kuresiz vano “ero ye sima xo ra bîya fênda keşîş û koçekî! Kayê xo kene vindene, ma ça cerene ra ma ra pers kene? Ma kî teyna seveta tasdîq kerdene îtarî me heya!”.

Saîre kî veng fîna ra xo ke çîye vaco. Vana “ufff oncîya sarê mi deceno”.

General Zeng qe mezal ci nêdano ke çîye vaco. Vano “kes çîno naye bero Golê Çetû, Kemerê Bimbarekî, jîyare, dîyare. Naye honde ke vato sarê mi, lingê mi honde vêşerî! Naye bere jîyare ya kî ci rê caye ra teverike, çîye bîyare”.
Vano “hey wax hey ke Bava Gulî îta nêyo. Xêrqewilî nêweşî kerdene wes, şefîlû çuya destê xo estene mal û gayî dima voz dêne!”.
Milet vano “General Haqî ra biterse, hala vinde se vana!”.

General oncîya mezal ci nêdano, vano “vatena aye kî şêro ha ca vindero, se vana, oncîya vana ha kûtik o sûr ha kûtik o şîya!”. Saîre vana “ya, rameta Haqî ro merdûnê to bo, daîma na qesa xo van, endî se kene bikere!”.

Hesê Ejdahîrî vano “yahû hala deqe kî vindere, sima gosê ma berdî. Hala vindere o Kuresiz se vano, o çiko ha wo oncîya qalê koçekî, keşîşî keno?”.

Kuresiz vano “fênda nê polîtikacîyû bîya fênda keşîş û koçekî”.
Hese Ejdahîrî vano “ufff, ya Haq û Tala, de endî vaze, je çerxê patosa Xide Karsanijî boyna çerexîno ayni qese vano. De vana vaze nêvana kî kar û gûrê ma esto ma some!”.

Kuresiz vano “roze ju keşîş sono qatê binî, sono ke mahzen ra şarabe vezo bîyaro. Sono ke çi şêro! Nîyadano ke cîyê kûtikî bo, tede towa nêverdo, pêro simito kerdo tip û tol!”.

Qarîno veng dano bi koçekê xo. Koçek kî qatê corî de beno. Vano “nêro no mahzenê mi kamî kerdo tip û tol, honde şarabê mi kamî simito qedeno!”.

Koçek cor de vano “ti se vana, qalê çi kî kena vengê to nêno, towa nêhesnen”.

Keşîş oncîya veng dano, persûnê xo ju bi ju tekrar keno.

Koçek oncîya vano “vengê to nêhesnen, ti se vana…”.

Keşîş sas beno maneno. Vano “nêro lazê çinayê şayî, ti pê mi xapnena, pê mi kaykena se kena? Vengê mi çitûrî nê pirtike cayî ro nêno! Ye to cor de yeno, ye mi cer ro nêno ha!”.

Koçek vano “ti se vana, ez towa nêhesnen, vengê to nêno!”.

Keşîş endî bêzar beno. Kor û posema yeno qatê corî. Koçekê xo ra vano “hala ti so cer mi ra çîye vace, na pirtike ca de vengê însanî ça mêro, halla halla, no zûreker însanî dîn û îman ra vezeno!”.

Na raye kî koçek sono cer. Keşîş cor vindeno, rind gosê xo nano ro ser.

Koçek vano “kam cinîyûnê dewe dima fetelîno. Kam sipede ra, sewlete, son û sodir raya cinîyû pîneno, zevelîno ci?”.

Keşîş vano “nêro ti se vana, tobe bo vengê to nêno!”. Koçek oncîya vano “kam cinîyû fetelneno, zevelîno ci…” qesûnê xo tek bi tek vano. Keşîş vano “nêro ti raştî vana vengê to nêno, ez towa nêhesnen!”.

Kuresiz vano “sima xo rê kerdena xo kerde. Kare sima rê mende cirm kî ma rê. Nika kî ame ma rê cemat û mislet kene, qalê vîcdanî, adaletî nêzon çi kî kene! Bira bira kam vano doyê mi tirs o ke sima kî vaze”.

Platformê xeberan T24î yo ke verê cû derheqê Înternetê ci de qerarê astengî amebî dayîş, na rey bi rayê hesabê xo yê medyaya sosyal bi qerarêko newe yê mehkeme padîya. Hesabê resmî yê Xî yê platformî yo ke nêzdîyê 1,9 mîlyon teqîbkerdeyî estê, ser o nameyê şuxulnayîşî yê ke ame newekerdene zî ame padîyayîş.

Goreyê agahîyanê ke EngelliWebî dayî, badê adresê “@t24comtr”î yo ke verê cû pîya bi platformî ameyêne şuxulnayene, hesabê newe yê bi nameyê “@t24comtr_”î seba îdîayanê sey “astengkerdişê sûçkerdişî û pawitişê asayîşê komelî” ame astengkerdene.

Seba hesabanê medyaya sosyal yê rojnameyan qerarê astengîye

Sînorê astengîya resayîşî, tarîxê 14ê êlule de ver bi warê rojnamegerîye û heqê merdiman hîra bî. Bi qerarê Hakîmîya Cezaya Sûlhî ya 4. ya Bakırköyî yê tarîxê 13ê êlule, derheqê zaf hesabanê X û Instagramî de ke mîyanê înan de rojnameyê ma Evrensel, soL Haber, Kısa Dalga, Saziya Efî ya Navneteweyî ya Tirkîya, Akademîsyenê Aştîye û Komeleya Cigêrayîşanê Medya û Huquqî (MLSA) û tayê rojnamegerî zî est ê, qerarê astengîye ame girewtene.

Çi bîbî?

Astengîya verêne ya seba Înternetî yê T24î, bi qerarê Hakîmîya Cezaya Sûlhî ya 1. ya Îstanbulî amebî kerdene. Serekîya Serdozdarîye ya Îstanbulî da zanayene ke mîyanê operasyonanê ke hukmatî nameyê ci nawo “keyeyê mi binê pawitişî de yo” de, seba ke 118 xeber û nuşteyê ke mîyanê sîteyî de yê mîyanê xo de “propagandaya LGBTî” tede est a, ameyî kerdene hedefê astengîya resayîşî.

Mîyanê 26.515 endamanê DTSOî de, 9.946 endamê ke heqê înan ê weçînayîş û weçînîyayîşî estbî, seba şuxulnayîşê rayê xo mekteban de ray day. Gureyê raydayîşî qezaya Yenişehirî de, Mektebê Mustafa Kemal Îmam Hatipî de ame kerdene. Mîyanê 9.946 endamanê ke heqê raydayîşê înan estbî de, nêzdîyê 4 hezar endamî şîyî serê sindoqan.

Badê gureyê raydayîşî yo ke saete 17.00 de qedîya, dest bi hûmarbîyayîşê rayan ame kerdene. Mehmet Kaya bi rayê nêzdîyê 4 hezar endaman seba reya hîrêyine sey Serekê Odaya Ticaret û Sanayî ya Dîyarbekirî ame weçînayîş.

Verîn astengdarê ziwanî, diyîn astengdarîye qiseykerdişî semedîk her dî zî r ziwan ser de şekl gênî ma yew mewzu de qal bikerî.

Goreyî zanyaran ra:

Astengdarîya ziwanî û qiseykerdiş, yew kes wextîk ziwanê xo fehmkerdiş de, şuxulnayîş de, vengdayîşe telafûze çekuyan de kem mendiş û mîyanê komelî de xo binewno ma nê kesan ra vanî astengdarî ziwanî û qiseykerdê.

Astengdarî ziwanî,

Mîyan xo de tewir bi tewrê

Ay ke zanîyenî nê yê:

* Xirabîya ziwanî

* Xiranîya vengî

* Xirabîya vengê qiseykerdişî

* Lalekîye

* Xirabîya qiseykerdişî ya komelkî

Ma eşkenî nînan bizêdne la nika ne tewr besî.

Astengdarîya ziwanî û qiseykerdiş gedetîye de yan zî eke merdim travmayêk vîyarna ra, dest pê kena. Her kesî de cîya ya. Tayê kesan de çekuyî kêm an zî kilm ê, tayê kesan de zî cumleyî kêm û bêmane yê.

Kesê ke na nêweşîye înan de esta, çi gede çi pîl, mîyanê hemserranê xo de bellî yê. Çimkî îfadekerdişê înan kêm o û ziwanê înan giran o. Wexto ke nêyenê famkerdene, hêrs benê û xo komî ra abirnenê.

Eke kes wendekar o, mîyanê wendekaranê bînan de bellî yo. Hemserrê ci ke ci fam nêkenê, na rewşe psîkolojîya gede ser o tesîrêko xirab kena. Ziwanê gede hîna beno giran û o xo bi xo qefilneno.

Seke zaf nêweşîyanê psîkolojîkan, tedawîya na nêweşîye zî di gere psikoterapî bigerê lewra perê neweşîya ruhîyan de psikoterapî şert o.

Weşîye de bimanê.

5 branşan de perwerde do bêro dayîş

• Atolyeya Resmî: Gedeyî do xeyalanê xo bi reng û xetan îfade bikerê û qabîlîyetê xo yê hunerê asayîşî aver berê.

• Atolyeya Drama: Bi xebatanê drama yê afirnayoxan, qabîlîyetê resnayîş, bawerîya bi xo û empatîye yê gedeyan do bêrê piştîdayîş.

• Atolyeya Hunerê Ekolojîkî û P4C (Seba Gedeyan Felsefe): Hişê xozayî û huner yenê têhet; fikirîyayîşo rexneyî, afirnayox û persker ê gedeyan do bêro piştîdayîş.

• Atolyeya Pîyanoyî: Gedeyan rê perwerdeyê muzîkî yo bingeyin do bêro dayîş; hîsê rîtmî, hesê goşdarîkerdişî û koordînasyonê enstrumanî do aver şêrê.

• Atolyeya Qodkerdişê Robotîkî: Fikirîyayîşo algorîtmîk, çarekerdişê problemî û berhemardişo dîjîtal ê gedeyan do aver şêro.

Atolyeyî do mîyanê hewteyî di grûban de bêrê kerdiş

Atolyeyê bêpereyî do Warê Cuya Hempare yê Sumerparkî de, bi kontenjanêko sînordar, mîyanê hewteyî her roje bi di grûban bêrê kerdiş: şodirî saetanê 08.30–12.00 û badê nêmeroje saetanê 13.30–16.30 de. Atolyeyî do demê perwerdeyî de dewam bikerê. Muracatî heta 7ê teşrîna verêne formê muracatî yo onlîne ser ra yenê kerdiş; perwerde do 12ê teşrîna verêne dişeme dest pê bikero.

Formê muracatî yo onlîne: https://forms.gle/SvxGEa97wCPi2mC56

Mudaxeleya ekîban ra dima şewat ame hewnakerdene labelê 200 heywanê qijî yê ke axor de bîy vêşayî û merdî.

Ame musayene ke ekîbanê Mudurîyeta Ziraet û Daristanan a Qezaye gom de cigêrayîş viraşto û seba dîyayîşê sebebê vejyayîşê adirî tehqîqat ameyo destpêkerdene.

Xeberdayîşê hemwelatîyan ser o ekîbê weşîye û polîsî sewqê cayê hedîseyî bîy. Mudaxeleyê verênî ra dima dirbetinî bi ambulansan wedarîyay Nêweşxaneyê Dewlete yê Çewlîgî.

Ekîbanê polîsan cayê hedîseyî de cigêrayîş kerd.

Norlénî da zanayene ke proses heta 12ê teşrîna verêne yo û Andersson eşkena reyna wezîfeyê xo peyser bido yan zî wexto zêde biwazo. Persê ke “Çira no wezîfe nêdîya lîderê Muhafezakaran Ulf Kristerssonî?” ser o zî Norlénî va ke şertê sîyasî yê meclîsî reyna seba Anderssone munasîp ê.

Anderssone zî pare kerd ke na biryare ra keyfweş a û do peynîya hewte de planê hevdîyînê xo hadre bikero. Anderssona ke 28ê êlule de wezîfe peyser dabî, bi na biryare reyde rey de diyîne wezîfeya ronayîşê hukumetî girewte ser milê xo.

Parlamento de ferqê hîrê kursîyan esto

Weçînayîşê 13ê êlule de blokê çep-merkezî ya bi lîderîya Sosyal Demokratan parlamentoyê bi 349 kursîyan de 176 sandalyeyî vistî dest; blokê rastgire zî 173 sandalye de mend.

Wendekaro ke hetê ekîbanê îtfaîye ra ame xelasnayîş, bi ambulansî wedarîya Nêweşxaneyê Dewlete yê Bongilanî. Demir o ke badê tedawîya verêne wedarîya Nêweşxaneyê Dewlete yê Çewlîgî uca ra wedarîya Nêweşxaneyê Şarî yê Fethi Sekinî yê Xarpêtî. Abdulkerim Demir, pa pêro tedawî û midaxeleyê doktoran nêxelesya û merd.

Sansur tewr zaf tesîr kerd rojnamewanan, akademîsyenan û dezgehanê heqanê merdiman ser. Dadgehan heman wext de rûpela înternetî û hesabê medyaya cematkî yê rojnameyê T24î zî asteng kerdî.

Vizêr saetanê şewdirî de mehkeme qerarê qedexekerdene seba hesabê Xî yê EngelliWebî dabi.

Nuşteyê derheqê ferhengî de:

Bi yew mehnaya pêroyî, esero ke tede kelîmeyê yew ziwanî bi hawayê alfabetîk yenê rêzkerdiş û mehnayê înan îzeh benê yan zî yewna ziwan de muadilê înan yenê dayiş ra ferheng yeno vatiş. Eno esero ke destê şima de yo de kelîmeyê ke Kurdîya Zazakî de yenê şixulnayiş yan zî şixulnayişê înan muhtemel o, ameyê rêzkerdiş û muadilê înan yê Tirkî ameyê dayiş, dima kelîmeyê Tirkî ameyê rêzkerdiş û muadilê înan yê Zazakî ameyê dayiş.

Enê ra ver, helbet ferhengê ke bi eno hawa ameyê amadekerdiş estê la enê umûmen hetê bikarardiş û îstîfadekerdişî ra caardişê îhtîyacê wendoxan û nuştoxan ra dûrî yê. Tayê bi yew envantero teng û amatorane amade biyê. Tayê bi yew niyeto baş la zanayişê îlmê ziwanî û îlmê amadekerdişê ferhengî ra dûrî sirf seba ke Zazakî de hûmara kelîmeyan zêde nîşan bidiyo kelîmeyê ke kêrê çiyêk nînê ameyê viraştiş û amade biyê. Tayê zî, amadekarê ci bêke qaso ke îcab keno waqifê sîstemê ziwanî yê Zazakî bê, bêke leksîkolojîyê Zazakî baş analîz bibo, bêke kelîmeyî bêrê tesnîfkerdiş, bi yew terzo jakobenîst yê muhendîsî, qelebalixê kelîmeyanê çargoşeyan ke qaşo bi sloganê “standardîze” kerdişî ameyê viraştiş yan zî şeklanê ciyayan de ameyê girewtiş ra îbaret ê.

Eno ferhengo ke semedê yew îhtîyaco raşt û pratîk yê wendoxan û nuştoxanê Zazakî amade biyo di qisman ra îbaret o. Qismo verîn de 16.961 kelîmeyê ke Zazakî de yenê şixulnayiş yan zî şixulnayişê înan muhtemel, bi hawayê alfabetîk rêz biyê û muadilê înan ê Tirkî, qismo diyin de zî muadilê Zazakî yê 15.677 kelîmeyanê Tirkî ameyê dayiş. Zafê envanterê kelîmeyanê Zazakî gelek eserê ke bi Zazakî nusîyayê ra ameyê arêdayiş û formê ziwanê nuştekî de ameyê nuştiş. Eno ferhengo ke destê şima de yo, bi eno xisûsîyetê xwu semedê înanê ke wazenê Zazakî binusnê eynî wext de rêberê raştnuştişê kelîmeyan o.

Beno ke eno envanter mitewazî biaso, yanî helbet mimkun o ke hûmara kelîmeyanê ke Zazakî de yenê şixulnayiş yan zî şixulnayişê înan muhtemel hîna zêde bo, la her ziwan de zêdiyayiş yan zî bedeleyîyayişê envanterê kelîmeyan peralelê bikarardişê ê ziwanî gore vurîyeno. Coka her ziwan de xebata ke ferhengî ser o bena zî yew rewşa dînamîke erz kena. Heto bîn ra, seba ke eno ferheng yew bikarardişê pratîkî rê minasib amade biyo, tenya ca diyayo kokê kelîmeyan, kelîmeyê neweyî nêameyê viraştiş û ca nêdiyayo fiîlanê terkîbî û tehbîrkî zî.

Kurdîya Zazakî de kelîmeyê nameyî seba ke halo sade de zî xisûsîyetê nêrkî (n), makî (m) û zafhûmarkî (zh) nîşan danê, vernîya enê tewir kelîmeyan de miyanê parantezî de herfê “(n), (m), (zh)” ameyê ronayiş û eno xisûsîyetê înan ameyo nîşandayiş. La kelîmeyê sifetî seba ke bikarardişî gore xisûsîyetê nêrkî (n), makî (m) û zafhûmarkî (zh) gênê, coka bi halê xwu yo sade ameyê nuştiş. Kelîmeyê ke grûba edatan ra yê, seba ke hetê cinsîyetî ra yew xisûsîyetê înan çinê yo, bi halê xwu yo sade ca gênê. Labelê kelîmeyê fiîlî bi peybendê “-iş”î ke hem mesderê fiîlan hem zî seba fiîl ra viraştişê nameyî yeno şixulnayiş, mesela, sey “akerdiş (n): açma[k]” ameyê dayiş. Yanî kelîmeya “akerdiş”î, bikarardişî gore, Tirkî de hem yena mehnaya “açma”yî hem yena mehnaya “açmak”î. Seba ke enê tewir kelîmeyê Zazakî eşkenê Tirkî de di mehnayan biyarê ca coka qismê Zazakî-Tirkî de peybendê “-k” yê kelîmeyanê Tirkî bi hawayê [k] gêrîyayo miyanê parantezê goşedarî.

Semedê qismê Tirkî-Zazakî yewna xisûso ke gereka bêro zanayiş zî eno yo. Mesela, muadilê kelîmeya “kaymakam”ê Tirkî Zazakî de sey “qeymeqam” ameyo dayiş la muadilê kelîmeya “kaymakamlık”ê Tirkî Zazakî de sey “qeymeqamî (m), qeymeqamtî (m), qeymeqamîye (m)” ameyo dayiş. Çimkî Zazakî de enê tewir kelîmeyî bi peybendê “-î” mehnaya nameyê miceredî, bi peybendê “-tî” mehnaya nameyê meslek, kar, wezîfe û heta ke reftarî, bi peybendê “-îye” zî mehnaya nameyê ca û mekanî gênê..

Şewdir meytê 3 karkeranê bînan ame dîyene

Xebatê xelaskerdene heta saetanê şewdirî dewam kerdî; mîyanê xebatan de meytê Ramazan İnce, İsa Olcay û Ömer Karakayayî zî ameyî vetene. Bi no hawa hûmara karkeranê ke qezaya madenî de merdî bîye 5, 2 karkerî zî bi dirbetinî xelisîyayî.

Walîtîya Manîsa îfade kerd ke xebatê cigêrayîş û xelaskerdene qedîyayê; seba karkeranê madenî rehmet, keyeyan û embazanê înan rê zî serweşîye waşte.

Enstîtuya Ziwananê ke Tirkîya de Ciwîyenê ya Zanîngeha Mêrdîn Artuklu derheqê teqawutbîyayîşê ey de eşkerayîyêk pare kerd û va: “Ma seba keda ey û xizmetanê ey sipasdar ê, cuya ey ya teqawutîye de ey rê weşîye, aramî û bextewarîye wazenê.”

Îbrahîm Bîngolî hem Zazakî hem Kurmanckî xebatê ercayeyî kerdî.

Tesîsê depokerdışê zibilî yê huşkî yê qezaya Gêxî ya Çewlîgî de, hîrê heşê ke seba vînayîşê werdî ameybî uca, bi tifingî ameyî kiştiş. Badê ke no qatliam aşkere bi û razînêbîyayîşî ameyî mojnayîş, Walîtîya Çewlîgî derheqê babete de eşkerayîyêka nuştekî weşana.

Eşkerayîya ke hetê walîtîye ra amey dayîş de dîya zanayîş ke, seba ke her hetî ra na babete bêra eşkerekerdiş û mesûlî bêrê vînayîş, xebatê cigêrayîşî dîyay dest pêkerdiş.

Önlü aşkere kerd ke sebebê tepişyayîşê ey hîna nêameyo eşkerakerdiş. Muameleyê ey yê îfadeyî Mudurîyeta Emnîyetî de dewam keno.

Ewro vora veren kewta koyanê Dêrsimî yê berzan ser.

Ben Underwood gedeyêko normal bîyo. Kaykerdişê basketbol, ramitişê bîsîklete, bi embazanê xo goştarîkerdişê muzîk û kaykerdişê kayan ra hes kerdenê. La yew pol ra Ben Underwood gedeyê bînan neêmendênê. O kor bi yanê nêvînanê. La yew qabîlîyetê ey estbi. Çimê ey çinêbê la eşkenanê bivîno.

Ben, 26ê Sibata 1992’î de maya xo ra bîyo. Sey gedeyê bînan kêf û sihetê ey baş bîyo. Normal yew heyatê ey bi, hetê maye û di birayê xo yê pîlan het de California de ciwîyanê. Gama di serre bi heyatê ey bedilîya. Serra 1994 de maya ey seba ke problemêk çimanê ey de estbi ci berd nêweşxane. Doktoran çimê ey kontrol kerdê û maya ey rê xebera nêweşe dayê. Ben, nêweşîya kanserî kewtbi. Çend aşmî dima seba ke kanser ra xilas bo operasyonek amelîyatî vîyarna. Operasyon bi serkewtiş vîyart la Ben Underwood çimanê xo ra bi. Doktorî çimê ey gurotê bi no hewa Ben, kor mend.

No amelîyatî ra dima Ben Underwoodî de qabîlîtêko ecêb peyda bi. Gama hîrê serre bi eşkenanê bi goşanê xo bînayan bivîno. O bi dîqet goştarî kerdenê, vengê ke bînayan ra gulbank bînê goştarî kerdenê bi no hewa bînayî kamcî ca de yê texmîn kerdenê. Ben gama ke 7 serre bi "tiqtiqî" bonder bi. Fekê xo rey tiqtiqî vetenê vengêko fekê ey ra vecîyanê çîyê ke dormarê ey de bê sey bîna, dîwar ûsb ra tadîyanê goşanê ey, o nê gulbangan ra fam kerdenê dormarê ey de çi esto. Sey maseyê delfînî ke binê awe bivîno yan zî şewşewoka ke bi şewe eşkena bivîna.

Doktor û pisporî hemverê nê qebîlîyetê Ben Underwoodî şaş mendê. Dinya de tena çend kesî bi no hewa eşkenî bivînê. Merdimî seba no ra hurmet danê ey. O dinya de ameyo naskerdene bîyo kesêko namdar. Ben Underwood TV de, welatanê cîya bi cîyan de şarî rê behsê heyatê xo kerd. 16 serrîya xo de nara kanser bi û dinya xo bedilna. Heyatê Benî ra dima însanan bawer kerd ke her çî mumkin o. Zafî kesê heyranê ey bîyê, çimkî o bi heyatê xo îlham dayênê însanan û bi ey îlhamî xo biqewet hîs kerdênê. Serra 2009 de wextê ke merd di hezar însan ameyê ezayîya ey.

Bakırcıoğlu yo ke serra 1984î de ameyo dinya, merasîmê parlamentoyî de kincê herêmî yê Kurdan “şal û şapik” day xora o û wina beşdar bi. Bakırcıoğlu pîya bi maya xo ame merasîm bînaya parlamentoyî de eleqe ant xo ser.

Gürgin Bakırcıoğlu kam o?

Bakırcıoğlu yo ke lajê Reşo Zilanî yo Swêd de warê rojnamegerîye de lîsanso berz kerde. Bakırcıoğlu TVya Swêdî SVT û radyoyê komelî de serranê dergan programî viraştî û pêşkêşkarî kerd, projeyanê televîzyonî yê sey Aldrig mer kebab, Gatsmart, Badsmart û Retorikmatchen de zî ca gîrewt.