Komîsyonê Meclîsî yo ke çarçeweyê prosesê "Aştîye û Cimatê Demokratîkî" de ameyo ronayîş, dima ke goşdayîşê beşanê cîyayan ê cimatî qedîna, seba prosesê viraştişê qanûnan dest bi arêdayîşê raporanê partîyanê sîyasîyan kerd.
Partîyê sîyasî yê ke Komîsyon de ca gênê, raporanê xo danê Komîsyonî. Tewr peynî zî AK Partî raporê xo yo ke 63 rîpelan ra yeno pê, da Serekîya Komîsyonî.
Dima ke Serekkomar û Serekê Pêroyî yê AK Partî Tayyîp Erdoganî rapor ercna, rapor dîya Komîsyon.
Rapor de seba Abdullah Ocalanî û girewteyanê sîyasîyan "Heqê Hêvîye" ca nêgirewt. Derheqê rewşa girewteyanê sîyasîyan ê Kurdan, veradayîşê endamanê PKK, heqê ziwanî de raporê AK Partî de çîyêk ca nêgirewt.
Rapor de ame îfadekerdiş ke, qanûnî do dima ke pêro gerîlayî çekanê xo veradê û Hêzê Sûrîyeya Demokratîke (HSD) goreyê Peymana 10ê Adare tewrê hukmatê Şamî bibê, bêrê viraştiş.