ZAZAKÎ NEWS - Qezaya Amedî Çinar de, Nîmet Kiliça 45 serre ke 21ê Çeleyî ra nat ci ra xeber nêameyêne girewtene, 13 rojan dima mîyanê çemî de merde amey vînayîş.
Xebatê cigêrayîşî yê seba Nîmet Kiliç a dayîka 2 gedeyan, ke Dewa Qubeciqî de ciwîyayêne û 21ê Çeleyî ra nat vîndî bîbî, ewro zî dewam kerdî.
Goreyê malumatanê ke merdimanê aye ra ameyî girewtiş, cenazeya Nîmet Kiliçe hetê ekîbanê cigêrayîş û xelesnayîşî ra mîyanê çemî ameya vînayîş.
Ekîban, cenazeya Kiliçe seba ke otopsî bêro kerdiş berd Sazgehê Tibê Edlî yê Amedî.
Serê sibayî keye ra vejîyabî
Nîmet Kiliça ke Dewa Qubeciqî ya Çinarî de ciwîyayêne, 21ê Çeleyî de saete 05.12 de keye ra vejîyabî.