Maç hetê hakemê wayîrê kokardê FIFAyî Halil Umut Melerî ra ame rayberdiş.
Wezîrê Karê Zerrî Mustafa Çiftçi, Wezîrê Ciwanî û Sporî Osman Aşkın Bak û Serekê TFFî İbrahim Hacıosmanoğlu zî stadê Amedî maç temaşe kerdî.
Nîmeyê tewr verîn ê maçî 0-0 qedîya. Pîya bi destpêkerdişê nîmeyê dîyine, maç hîna bi germ.
Deqîqeya 53 ya maçî de kaykerê Amedsporî Dia Sabaî tope eşt qale. Bi nê hawayî Amedspor 1-0 kewt vernî.
Deqîqeya 62 ya maçî de ancî bi golê Dia Sabaî, Amedsporî ferq kerd di.
Kaykerê Amedsporî Gökhan Gül o ke nîmeyê dîyine de kewtbi kay, bi golê ey Amedsporî ferq kerd hîrê.
Amedsporî bi nê netîceyî Super Lîgî de serkewtişê xo yê verênî girewt. Taximê Erziromsporî zî bi dest veng agêra keyeyê xo.