KAJAV RODER
Blogger, platformêko Google’î yo. Serra 1999 de terefê Pyra Labs’î ra ameyo viraştene. Şîrketa Google’î, serra 2003 de no platformî, ey ra erêna.Merdim eşkeno blogerr ser o, heme babetan de bêpere blog akero û bi goreyê zerrîya xo nuşteyan biweşano.
No nuşteyê xo de ez wazena behsê bloganê Zazakî bikera. Seba ka Google ziwanê Zazakî nêşinasneno ma bi rehetî nêeşkenê biresê nuşte û bloganê Zazakî. Bi no nuşte ez wazena haya ma yewbînan bibo. Beno ke nê blogan zafêr blogê Zazakî bibê la heta ewro ez tena rastê înan ameya.
• Roşan Lezgîn
Blogê ma yo yewin yê mamoste Roşan Lezgînî yo. Roşan Lezgîn serra 2022 ra nat blogê xo de nuseno. Blogê ey de cîya bi cîya babetan de nuşteyî est ê. Mamosteyo hêja bi nuşteyanê xo roşnî dano heskerdoxanê no ziwanî. 👉 Blogê Roşan Lezgînî
• Şadê Agon
Blogê ma yo dîyin bi nameyê ladyzazarus o. Wayîra blogî Şadê Agon a. Na nuştoxa delale blogê xo de bi babetanê enteresan û balkêş yena vernîya ma. A serra 2024 aşma Adare de dest bi nuştişî kerda. Sloganê blogê aye “her kes erdê xo de meqbûl” o. 👉 Blogê Şado Agone
• Welatozerin
Blogê ma yo hîrêyin blogêko anonîm o, yanê ma wayîrê ey nêşinasnê la kesêko zaf erjaye yo. Blogê ey blogê tewr verên yê Zazakî yo. Mabeynê serranê 2008-2021’î de nuşto. Sloganê blogê ey “bê hewn veyşan û teyşan” o. Ma bi nuşteyanê ey fehm kenê ke Licê ra yo. Ez hêvî kena rewş û siheta ey weş a. 👉 Blogê Welatozerinî
• Zazaname
Blogê ma yo çarin bi nameyê Zazaname yo. Serra 2023 ra nat nuseno. Blogê ey de nuşteyî cîya bi cîya est ê. Vateyê kilamanê zazakî ra tepîş heta açarnayîşê kilamê îngîlîzkî zî est ê. Sloganê blogê ey “her kes bi reng û vengê xo weş o” yo. 👉 Blogê Zazanameyî
• Gozêre
Blogê ma yo pancin yê Zerweş Xodî yo. Blogê xo serra 2013 de akerdo. Sloganê blogê ey “binê gozêre ra vengê manayî beno vila” yo. Halê hazirî blogê ey de yew nuşte tena est o. Ez hêvî kena hûmarê nuşteyanê xo zêde biko. 👉 Blogê Zerweş Xodî
• Blogê Dersê Zazakî
No blog zî dersê zazakî yew bi yew bar kerdo. Xebatêka erjaye ya. Ez lînkê no blogî zî ewta de ronena. 👉 Dersê Zazakî
• Begoyo Kehan
Blogê ma yê pancin bi nameyê Begoyo Kehan o. Serra 2019î ra nat nuseno. Warê nuştişî de nuştoxêko jêhat o. Blogê xo bi nuşteyanê Zazakî xemilnayo. Sloganê Blogê ey “Zazakî rê yew şibaki” yo.
Blogê Begoyo Kehanî