Goreyê malumatê ke ameyo girewtiş, hadîse rayîrê Çolîg-Erziromî ser o, mevkîyê Germawe (Ilıcalar) de ame meydan. Qamyona simerbarkerde qelibîya û simer verdîya rayîr ser.
Qeza de balyayê simerî ê ke qamyone de bîyî, rayîr ser o vila bîyî. Xeberdayîş ser o, ekîbê polîsan erşawîyay cayê hadîse.
Semedê qeza ra rayîr demêk trafîkî rê qefilîya û bi xebata ekîban newe ra trafîkî rê abi. Qeza de merde yan zî birîndarî çin bî, la erebe de zeraro maddî virazîya.