DARAHÊNÎ: Vedat Karabuluto ke 11 Rojî yo ke vîndî yo nêameyo vînayîş

ZAZAKÎ NEWS - Hedîse, nêzdîyê dewa Rîzî ya qezaya Darahênî de ame meydan. Goreyo ke ame zanayîş, Vedat Karabuluto 33 serre yo ke seba piknîkî embazanê xo reyde amebi uca, waşt ke şêro kişta çemî, la kewt awe ver û vîndî bi.

Bi xabarwesnayîşî ser o ekîbê AFAD û weşîye amey herêma qewimyayîşî. Xebata cigêrayîşî ya ke binê kontrolê AFADî de ameya dest pêkerdiş, bi paştdayîşê ekîbanê Xarpêt, Amed, Erzirom, Dêrsim û Erzincanî ra dima hîra bî. Ekîbî hem binê awe de hem zî serê awe de pê dronan gêrenê ci.

Datê vîndîbîyaye Mehmet Karabulutî derheqê xebate de wina va: "Xebate dewam kena la ma zafêr wazenê. Şefeq ra heta şan ma tîya de pawenê. La ma netîce nêgênê û agêrenê keye, tayê merdimê ma zî tîya de nöbete gênê. Ez vana qey birarzê mi nêşîyo war, binê nê tepî de yo.."