ZAZAKÎ NEWS - Partîya DEMî aşkera kerd ke ê do seba protestokerdişê hêrişanê ke vera Rojawanê Kurdîstanî benê, kombîyayîşê grûba partîya xo yê hewtaneyî ke Meclîsê Tirkîya de kerdêne, sînorê Nisebîn û Qamişlo de bikerê.
Goreyê eşkerayîya Partîya DEMî, bi beşdarîya her di hemserekan Tulay Hatîmogullari û Tuncer Bakirhanî, ewro saete 13.00 de kombîyayîşê hewtaneyî qezaya Mêrdînî Nisebîn de yeno kerdene.
Partîya DEMî eşkerayîya xo de va, “Cayê kombîyayîşê ma yê Sêşemeyî vurîyayo û ma do kombîyayîşê xo qezaya Nisebînî de bikerê. Ma do cayê pêserameyîşî ra ver bi Parka Sînorî rayra şêrê û uca de kombîyayîşê grûba partîya xo bikerê."