Kilîseya Ermenîyan Surp Gîragos a ke Amed de ya de, ayînê Noelî ame viraştene. Ayîn, hetê kekîşo ke Patrîkxaneyê Ermenîyan ê Tirkîya wezîfedar kerdbî ra ame rayberdiş. Mîyanê ayînî de îlahîyî ameyî vatiş û duayî ameyî wendiş. 4 kesê ke ayîn de wezîfe girewtbi zî sey ardimkar xizmet kerd.
Ayîno ke tede mumî ameyî tafînayîş de, nan û awe îkramê beşdaran ameyî kerdiş.
"Seba cimatê Ermenîyan mîrasêko tarîxî yo"
Serekê Weqfê Kilîseya Ermenîyan Surp Gîragosî Ergun Ayikî, va ke mîyanê Xirîstîyanan de Noel 25ê Kanûne de yeno fîrazkerdiş, la Ermenîyan de no fîrazkerdişî 6ê Çele de dest pêkeno.
Ayikî nê çîyî vatî:
"Awahîyê sey Kilîseya Ermenîyan Surp Gîragosî, seba cimatê Ermenîyan mîrasêko tarîxî yo muhîm ê. Eynî wext de eserêko mîmarî yo zaf muhîm ê nê bajarî yo. Ewro zî ma tîya de Noel fîraz kenê. Noel, rojêka wina ya ke bîyayîşê Hz. Îsayî sembolîze kena û ma zî ney idrak kenê."