Dêrsim, qezaya Pulurî de yew keso ke vîdeoyê ezîyetkerdişê leyîrê kûtikêk medyaya sosyale ser o pare kerdbi, ame tepiştiş û kûtiko ke raştê îşkence ame zî gêrîya binê pawitişî.
Ame tesbîtkerdiş ke Dewa Guneykonakî ya qezaya Pulurî de, şexsê bi nameyê D.C.V., mîyanê vewre de vîdeoyê leyêrê kûtiko ke newe bîyo anto û ezîyetê ey kerdo. Şexs, bi talîmatê Serekdozgerîya Komare, hetê ekîbanê Fermandarîya Cendermeyan a Qezaya Pulurî ra ame dest ser ronayîş.
Şikdar, dima ke muemeleyê ey ê cendermeyî qedîyayî, seba sûcê 'muhalefetê Qanûnê Pawitişê Heywanan ê bi Nimreyê 5199' şawîya meqamanê edlîyan. Mehkeme de qerarê tepiştişê şikdarî ame dayîş û erzîya hepisxane.