ZAZAKÎ NEWS - Serekê Pêroyî yê Partîya Hereketê Millîyetperwerî (MHP) Devlet Bahçelî, vejîyayîşê Amedsporî yê Lîga Sûpêrî bi mektûba ke şawît Serekê Kûlûbî Nahît Erenî pîroz kerd.
Devlet Bahçelî mektûba xo de bi vatişê “Brêz Nahît Eren, Serekê Amedsporî” dest pêkerd û wina va: “Amedsporo ke serrê 1990î de ameyo ronayîş û fûtbolê Tîrkîye rê reng û heyecanêko newe da, tarîxê xo de reya verêne vejîya Lîga Sûpêrî. Ez nê serkewtîşî bi keyfweşî pîroz kena.”
‘Seba fûtbolê Tîrkîya averşîyayîşêko qîymetdar o’
Lîderê MHPî dewamê mesaja xo de nê îfadeyî xebatnayî: “No serkewtîşo manadar, seba Dîyarbekirê ma û fûtbolê Tîrkîya zaf qîymetdar o. Ez hêvî kena ke Dîyarbekirê ma bi nê serkewtîşê sporî reyde warê kûltûrî, sosyalî û ekonomîkî de hîna zaf gandar bîbo.”