Mehmet Ay
Hewteyo verên ma qalê dizdîye kerdbî. No hewte zî ma dewam bikerî. Ma hewteyo verên va ke,: O çîyo ke yê to nîyo -semedî feydî yan zî yewna sebep ra û wayîrê ci ra bêxeber û bêrizayî bigeyro se, ma na rewşe ra vanî dizdîye, o kesê ke dizdîye keno, ma ayî ra zî vanî dizd. No hewte ez wazena ke dizdîye ser o yewna tewir vinderî.
Nika dizdîya pîle mîyanê dewletan de bena. Badê zî zerrê dewletan de bena.
Nika ma wina bifikîyê:
Tayn dewletî madenîye estî, hêgayê estî heme tewir darî berî estî la hemwelatîyeyê çi veyşan î. Veyşanî ver mirenî. Numûneya sey afrîka… Nizdî 400 mîlyon merdîm veyşan ê. Dewletî pîl afrîka kerdo kole û çî tede esto kaş kenî dewleta xo yan zî no tewr vacî dizdîye kenî.
Neteweyê Yewbîyayeyî vanê ke dinya de nizdî yew mîlyar însan veyşan ê û her roji 25 hinzar însanî veyşanî ra mirenê.
Çi heyf ke no raşt o?
Eya, ma şî aşmi,ma şî feza la ma dizdîye ra fek nêwerda ma lokmey bêkes grewt û ma sekûr yoksilan veyşanî ra veri mirena.
Teyn însan ha mîyan zevk û sefa de ayi cile ke ewro danî xo ra siba nêdanî xo ra ayî çî yo ke ewro wenî siba nêwenî vesitayî newe espar benî la binde xem yîn nîyo.Çimkî yîn zî dizd ê.Eke ti mirdî û zedera geren û vera de însan weyşenî ra miren qusur mêewnî ti dizdî eya, to çîk nêdiznaw la to heq fekir werdo to heq ayî ke weyşanî vera mirenê to heqi ayînan werdo.
Miyanê dewleta ma de zî estî tayn kesî zaf zengîne bawî ra teyn kesî zî heyan şand suxulyenî la nêeşkenî biawnî keye xo.
Hesabê muesese TUÎK e Tirkîye de serra 2025 te nîzdî 18 mîlyon kes sinore weyşanî de yê û nê humarê her rojî zedenê.
Çi heyf ke nê hûmarî heqiqetê.
Eke yew dewleti de weyşanî est ê ti bizanî ke uca de dizd estî tirk vanî haramzade estê.Teyn kesî dizdey kenî û heqî yewbinan wenî eke nêborî yew kes weyşan nêmoneno yew kes bêkeye nêmoneno.Senî dinyada dizdey bena dewlete ma de zî seypey o.Her ca de bertil serri xo grewt ha şîno,şima televîzyonan de her rojî winenî.
Ez bikilkî vacî yew dewleti de bertil bibo,dizdîye bibo,bêedaletîye bibo ....o dewleti çîray awer nêşina tima tim feqir manena û hemwelatî ya tim weyşanî.
Weşîye de bimanê.