Şaredarîya Amedî ya Şaristanê Girdî, wendekaran rê ke vera verêne unîversîte qezenc kerde, înan rê do 20 hezar TL piştîdayîşê perwerdeyî bido.
Şaredarîya Şaristanê Girdî perwerdeyî de seba xurtkerdişê seypeyîya firsetî, wendekarê Amedijî ke reya verêne unîversîte qezenc kenê, înan rê pêro pîya 20 hezar TL destek do bido. Wendekarê ke 19ê temmuze ra ver Amed de ronişenê, nê destekî ra îstîfade kenê.
Muracatî 22ê Êlûle Dest Pêkenê
Muracatî 22ê êlûle dest pêkenê, 24ê teşrîna verêne de qedîyenê. Wendekarî adresa egitimdestek.diyarbakir.bel.tr ra hûmara nasnameyî, name û peynameya xo reyde muracet kenê. Wendekarê unîversîteya dewlete, yan zî unîversîteyan wexfî/taybetî %100 burs gênê, belgeyanê xo Sumerpark Cayê Cuya Hempare de Serekîya Daîreya Xizmetanê Komelkî rê bi destanê xo danê.
Badê kontrolê belgeyan destekî tarîxanê dîyarkerdeyan de hesabanê wendekaran rê do bêrê eştene.