Mehmet AY
Nê nuşteyê xo de, ez do şima rê qala nêweşîya "Egoîzm"î bikerî. Kokê na çekuye Latînkî yo û manaya ci girewtişê kesayetîya merdimî ya. Ma wazenê ke şexsîyetê xo bidê cayanê berzan û wexto ke ma xo uca vînenê, kesayetîya ma virazîyena.
Egoîzm bingeyê xo de nê hîrê tewran ra form gêno:
- Vîrameyîşê şexsî,
- Hal û hereket,
- Fikr.
Şexsîyetê ma gedeyîye ra virazîyeno; heta tayê zanyarî vanê ke verê gedeyî dest pêkeno.
Dormeyê ma, keyeyê ma ma ser o tesîr kenê. Eke cuyayîşê ma çarçeweyê yewbînanfamkerdişî de vîyartbibo, ma eşkenê vajê ke şexsîyetêko weş esto.
Tayê xususîyetê nê kesan wina yê:
- Kes, xo tim kêmî vîneno; seba ke kemasîya xo binimno (biqefilno) her çî sey kerdişê vera xo vîneno û xo zaf pîl mojneno.
- Kes, seba estbîyayîşê xo, xo zaf pîl mojneno û tim xo ra behs keno.
- Kes, tim vano “ez, ez”; eke yew goş nêdo ci, hêrs beno.
- Kes, tim vano "qey merkezê dinya ez a"; çunke cuyayîşê xo yê verênî de kesî o nêdîyo (nêhesibnayo).
- Kes, eke çîyêk goreyê ey nêbo, hêrs beno û vera ey de kam bibo, zerar dano ci.
- Kes, tim xo heqdar vîneno û vano ke pêro dinya neheq a, tena o heqlî yo.
Binê nê sebeban de tersêko pîl û xo-qijkekvînayîş estê. Kes seba ke nê sebeban nêvîno, xo bi o tewrî mojneno.
Seke zaf nêweşîyanê psîkolojîkan, tedawîya na nêweşîye zî di tewir a:
1. Tedawîya bi dermanan: Ganî nêweş dermananê ke hetê doktorî ra ameyê nuştene, bi awayêko rêkûpêk bixebitno.
2. Tedawîya bi qiseykerdişî (Psîkoterapî): Ganî nêweş, yew psîkologî reyde derheqê nêweşîya xo de qisey bikero. Çunke nêweş nêeşkeno bi sereyê xo na nêweşîye ra bixeliso.
Bi weşîye bimanê.