Erhan Kaya serra 1995î de Erzirom de amebi destbendkerdiş û dima hetê Mehkemeya Pawitişê Dewlete (DGM) ra cezaya zindanî ya het-hetayî dîyabî ci. O 31 serran dima resa azadiya xo.
Goreyê xebara MAyî, veradayîşê Kayayî hetê Heyetê Îdare û Çemgêrayîşî yê Zindanî (ÎGK) ra bi "sebebanê keyfîyan" serrêke amebi pey eştene. Bi qebûlkerdişê itîrazê avukatan ê Mehkemeya Înfazî û dima zî bi redkerdişê itîrazê serdozgerîye yê Mehkemeya Cezaya Girane ya Burdurî, veradayîşê Kayayî ame qebulkerdiş.
Kaya, verê berê hepisxaneyî de hetê Komeleya Paştîdayîşê Keyeyanê Tepiştî û Mehkûman (TUHAYDER) û komêka qelebalîg ra ame pêşwazîkerdiş û uca de yew beyanato kilm da.
Erhan Kaya kam o?
Erhan Kaya yo ke serra 1995î de Erzirom de amebi tepiştene, zîndananê Erzirom, Tekîrdağ û Qeysorî de mendo. Peynî de zî zindanê Burdurî yo ke sewqê ci amebî kerdene, tede serrêke veradayîşê ey amebi astengkerdene û bi temamî 31 serrî hepisxane de mendo.