ZAZAKÎ NEWS – Heşt serran ra dıma, dewaya ke hetê çar torinanê Şêx Seîdî ra vera Ahmet Sonuçî amebî akerdiş, qedîya. Mehkemeya Cezaya Asliye ya 10. ya Erzurumî de, mehkeme qerar da ke sûcdarîya "heqaretê xatîraya merdimî" sabît a. Mehkeme derheqê ey de 109 rojî cezaya pereyî da. Rojane 50 TL ra hesibna û pêro pîya 5 hezar û 450 TL cezaya pereyî da.
Mehkeme qerar da ke na ceza vîst teqsît bo.
Wekîlê torinanê Şêx Seîdî Avukat Ensar Fırat, hesabê xo yê X ra beyanatêk da û va ke ê do her wext vera hêrişanê ke xatîraya Şêx Seîdî yenê ekrdene micadele bikerê.