ZAZAKÎ NEWS - Ame zanayîş ke kîtabê cigêrayox û nuştoxo naskerde M. Malmîsanijî ke bi serran o ziwanê kurdkî ser o xebatanê zanistî keno, bi nameyê "Ver bi Etîmolocîya Kurdkî: Kırmanckî (Zazakî), Hewramkî, Kurmanckî, Kurdkîya Mîyanêne (Sorankî)" neşr bi.
Na xebata ke Weşanxaneyê Vateyî ra vejîyaya, kokê çekuyan û bestoxanê mabênê lehçeyanê kurdkî ser o vindena.
Aşkere bi ke xebate bitaybetî lehçeya zazakî ser o vindena û nê çekuyan lehçeyanê kurmanckî, sorankî û hewramkî de bi hawayêko sîstematîk muqayese kena.
Kîtab de çekuyî hetê mana, form û vurîyayişê vengan ra bi ameyê muqayesekerdiş.
Ame zanayîş ke nuştişê kîtabî de, çekuyê ziwananê ke alfabeya latînkî şuxulnenê, sey orîjînalê xo mendê. Labelê telefuzê çekuyanê ziwananê alfabe û nuştişê erebî, krîlî yan zî yê bînan esas ameyê girewtiş. Seba ke wendoxî birehetî biwanê, nê telefuzî mabênê parantezanê çarçeweyî [] de bi herfanê latînkî nusîyayê.