Munzur Can
Kokim
Zonê mi kokimê zon o (ziwan o)
pî'l'ê zono
kokimo pîl ewro meymanî to zafî
cimhetî to girdo
wayerî wesfo ewro veşnenî qal û xebero
sewbîna rocan ti qet nînî yin vîrî
la ewro qodamanî meymanî to estî zonê mi
meraq meki ewro estî meşt'î şonî
serr'di yew roc meymanî meraq meki seba to nînî
mexsed wa şar înan cimhetî kokim di veyno
wa şar serevdo yin rî nêvacî yo nêy mereqlîyî to nîyî kokim, cuwayîşî înan di hema vaci qet cay to nêmendo !
wexto verên di seydarî zerenc'o bî
seydaro mederis giredayni salax viraştê
zerencî ameyni salax ser û seydaro zî seyd kerdê zerencî tepiştêyni, nê meymanî to zî zerencî salaxonî la inî zerencî zexelî xo nêdonî tepiştiş
serr'di yew roc qibê qibê yina wanenî,
kokim ez fek to ra veranêdon
ti kokim benî ti zanî
ti nêweş benî ti zanî
hewnê mi bi zonê mi
Wendişê mi bi zonê mi
nuştişê mi bi zonê mi
kêf û heznê mi bi zonê mi
Cuwayîşî mi bi zonê mi
tewêy to mergî zaliman bo,
mi rî her roc roşan'o
ez delû yî zonê xo yo..