Nadirova ke warê fînans û bankakerdîye ya mîyanneteweyîye de ameya naskerdiş, heyetê îdareyê neweyî yê Amedsporî yo ke 31 kesan ra yeno pê de ca girewt û a do tewrê xebatanê sazgehan û yê mîyanneteweyîyan bibo û paştî bido kulubî.
Nadirova ke zaf serrî yo Qazaxîstan de sektorê fînans û bankakarîye de sey îdarekara berze xebitîyena, wayîra tecrubeyêko pîl a.
Nadirova Ermenîstan de dadîya xo ra bîya, û keynaya Serekê Kurdanê Ermenîstanî Kinyaze Hemîdî ya. Reyna a veyva zanyarê kurd o namdar Prof. Dr. Nadir Nadirovî ya.
Teberê karîyerê xo yê bankakarîye de, pê aktîvîteyanê xo yê komelê sîvîlî zî vejîyaya vernî; a, bi tesdîqê Serekkomarê ê wextî yê Qazaxîstanî Nursultan Nazarbayevî, sey endama Asambleya Şaranê Qazaxîstanî ameya weçînayîş.
Amedspor de demo newe
Amedspor o ke tarîxê xo de reya yewîne vejîya Lîga Sûpere, Dîyarbekir de pê Kombîyayîşêk îdareyo xo yê neweyî da eşnawitiş. Sereko wazîfedar Nahit Ereno ke rayê qasê 300 delegeyan girewtî, reyna semedê eynî wezîfe ame weçînayîş.