Serekîya Partîya DEMî d eşkera kerd ke mîtîngo ke do 4ê Çeleyê 2025î de seat 13.00 de Meydanê Îstasyonî yê Amedî de bêro viraştene de Leyla Zana zî qisey bikero.
Mîtîngo ke hetê Partîya DEMî û Platformê Sazîyanê Demokratîkan ra bi şîarê "Hêvî û Azadîye" yeno viraştiş de, Leyla Zana ya ke nê rojanê peyênan de trîbunan de bi tezahuratanê nîjadperestan amebî rojdem, a zî do qisey bikero.
Kamî do qisey bikerê?
Mîtîng de Veysî Aktaş û Çetîn Arkaş ê ke Îmrali de nezdîyê 10 serran Abdullah Ocalanî dir mendbî û dima ra tehîlye bîy, Hemsereka Pêroyî ya Partîya Herêmanê Demokratîkan (DBP) Çîgdem Kiliçgun Uçar, Hemserekê Pêroyî yê Partîya DEMî Tuncer Bakirhan û Hereketê Cinîyan ê Azadan (TJA) ra Ayla Akat Ata do qiseykerdişêk bikerê.