Qezaya Mêrdînî Midyad de cinîyêka cîwane bi awayêko şikdar merd. Goreyê îddîayan, Midyad de 8ê Çeleyî de Çîgdeme Akyuza 20 serre ke waşta xo bikişo, giran birîndar bîbî.
Goreyê xebera Ajansê Mezopotamya, dima ke merdimanê aye xeber day, Akyuze verê cû neqlê Nêweşxaneyê Dewlete yê Midyadî. Dima ra seba tedawî wedarîyaya Nêweşxaneyê Fakulteyê Tibî yê Zanîngeha Dîcle ya Amedî.
Labelê Çîgdeme Akyuz, nêweşxaneyê Amedîpa pêro mudaxaleyan nêamey xelesnayîş.
Cenazeya Çîgdeme Akyuz, hetê merdimanê aye ra dewa Heştrêkî ya qezaya Midyadî de amey definkerdiş.