Vilabîyayîşê bransan ê girewtişê nezdîyê 15 hezar mamostayan, ke Wezaretê Perwerdeyê Neteweyî seba serra perwerde û musnayîşî ya 2025-2026î plan kerdbi, zelal bi.
Goreyê malumatanê ke ameyê parekerdene, seba dersa Kurdkî (Ziwan û Lehçeyê ke Cuwîyenê) ke bi hezaran mezûnê ci estê, 5 seba Kurmancî û 1 zî seba Zazakî, pêro pîya tena 6 mamostayî do bêrê tayînkerdiş.
Ame vatiş ke mamostayê ke tayînê înan bîyê, do 20ê Çeleyê 2026î de dest bi wezîfe bikerê.
Heto bîn ra ame zanayîş ke seba serra 2026-2027î zî do 10 hezar mamosteyî bêrê girewtiş. Mîyanê ê 10 hezaran de zî tena 4 seba kurmancî 1 zî seba zazakî bêrê tayînkerdiş. .
Seba 847 mezûnan tena 213 tayînî
Ame eşkerakerdiş ke serra 2012î ra nat ke programê lîsansî yê mamostayîya Kurdkî heta serra 2027î, pêro pîya 847 kesî mezûn bîyê.
Labelê heta nika hûmara mamostayanê Kurdkî yê ke tayînê înan ameyo kerdene 213 de mend. Ame qeydkerdiş ke nê mamostayan ra 210ê înan bunyeya Wezaretê Perwerdeyê Neteweyî de, 3ê înan zî bunyeya Şaredarîya Pîle ya Stenbolî de ameyê wezîfedarkerdiş.
Mîyanê girewtişê pêroyî yê 15 hezar kesan de, kontenjano sembolîk o ke seba Kurdkî ameyo cîyakerdene, bi sebebê reaksîyonan.