Mehmet Ay
Nê nuşteyê xo de, ez do şima rê qala xirabîya qiseykerdişî bikera. Na yew nêweşîya hem ruhî, hem zî bîyolojîk a.
Goreyê kitabê psîkolojîye DSM-5, nîşanê na nêweşîye nê yê:
-
Xirabîya ziwanî
-
Xirabîya vengê qiseykerdişî
-
Lalekîye
-
Xirabîya qiseykerdişî ya komelkî
Na nêweşîye gedetîye de yan zî eke merdim travmayêk vîyarna ra, dest pê kena. Her kesî de cîya ya. Tayê kesan de çekuyî kêm an zî kilm ê, tayê kesan de zî cumleyî kêm û bêmane yê.
Kesê ke na nêweşîye înan de esta, çi gede çi pîl, mîyanê hemserranê xo de bellî yê. Çimkî îfadekerdişê înan kêm o û ziwanê înan giran o. Wexto ke nêenê famkerdene, hêrs benê û xo komî ra abirnenê.
Eke kes wendekar o, mîyanê wendekaranê bînan de bellî yo. Hemserrê ci ke ci fam nêkenê, na rewşe psîkolojîya gede ser o tesîrêko xirab kena. Ziwanê gede hîna beno giran û o xo bi xo qefilneno.
Seke zaf nêweşîyanê psîkolojîkan, tedawîya na nêweşîye zî di tewir a:
Tedawîya bi Qiseykerdişî (Psîkoterapî): Ganî nêweş, yew psîkologî de derheqê nêweşîya xo ser o qisey bikero. Çimkî nêweş nêeşkeno bi sereyê xo na nêweşîye ra bixeliso.
Tedawîya bi Dermanan: Ganî nêweş dermananê ke hetê doktorî ra ameyê nuştene, bi rêkûpêk bişuxulno.
Weşîye de bimanê.