Duaya asma newîye/pirponcese
Ya asm a newîye*
Ya sirota Olî*
Ti na wa vejîya, na zilomote de dîna-alem kerdo pirre gul û nurî
Ti na tarî de ma rê çila û fener a
Ti hîr û bereket a
Ti wayîrê jîl û was e newî ya, wayîrê velgê kewî (keweyî) ya
Ti hawirê mal e vînd bîyayî ya, hawirê kile û tiramî ya, hawirê sojî sur a (sure ya), non (none) a germin a
Ti qendelbaşîyê cinîyû na
Ti saadê xêr û loqmê ma wa
Bî comerdîye, ma roştîya xo ra, gul û nurê xo ra morim meke
(Roştîya xo)
Dar û berî (bi)de
Teyr û turî de
Der û cîranî de
Lewê hometa xo de kî ma neçarû de
Xafile, bêbextîye, xism û xiravinîye ma ra dur (bi)fîye
Kam ke derman wazeno derman ci de
Keşî mirodû ver de meverde, ci rê çeverodê xêr ra (bi)ke
Bî comerdîye ya sirota Olî
*Olî: Haq, Homa/Xoda, Tîcî, (îtîqatê yahudîyû de yeno maneyê “ya Haq” ama Elî esesen namê ju pêxamberî yo, asurkî de beno Îlya, arabkî de Îlyas, îtîqatê Kirmancîye de Xizir, Îlas/Xêlas…kî vacîno)
* Qendelbaşîye: Haq, Homa/Xoda. Îtîqatê Kirmancîyê de Haqê cinîyû/hermetû.
*Îtîqatê Kirmancîye de Asme jîyargî ya. Je sirota Olî (Tîjî/Haq/Xoda) qewil bena.
Asme ke bîye newîye (asm a pirponcese/des û ponc sewîye), jede cinî/hermetî verê xo çarnene ro ve/bi asme dua kene. Roştîya asme ke gina kamîj kemere, çenge û dês ro kelê xo piro birnene, çilû fîne ra ci…
Asme ke cerîye, tifong ercene, dua kene, qirvanû kene, hayleme û hurhurit kene çike înam beno ke zilomote ju ejdahîr o xîravin o. O yeno ke roştî boro, wedaro, dîna alemî tarî de verdo….