Serekê Pêroyî yê CHPyî Özgür Özelî, hukmatê AKP seba meselaya Kurd rexne kerd. Özelî va, "Îqtîdar vano 'wa verî aştî bibo, verî seba prosesî qanûnî bêrê vetiş û dima gamê demokratîkbîyayîşî do bêrê eştiş', labelê ma wîna nêfikrîyenê."
Özelî da zanayîş ke heta demokratîkbîyayîş nêbo, meselaya Kurd hal nêbena û tewirê CHPyî wina îzeh kerd: "Gamî yewbînan ra dima ney, ganî mîyanê yewbînan de (tedir) bêrê eştiş. Gamê demokratîkbîyayîş, aştî û çareserîya meselaya Kurd ganî pîya bêrê eştiş."
Anketê zîyaretê Îmraliyî
Özel, babeta nêşîyayîşî heyetê CHPyî yê seba zîyaretê Îmraliyî ser o zî qisey kerd. Serekê CHPyî va:
"%75ê tereftaranê Partîya DEMî waştêne ke CHP zî şêro zîyaretê Îmraliyî. Labelê %85ê tereftaranê CHPyî û %65ê komelê Tirkîya, paştî da qerarê ma yê nêşîyayîşî."
Özelî peynî de destnîşan kerd ke partîya înan prosesê çareserî de bi rolanê awankerde (yapıcı) û bi prensîb tewr bena