ZAZAKÎ NEWS - Sereka Meclisê Odeya Ticaret û Senayî ya Amedî (DTSO) Nevin Île nêweşxaneyê Îstanbulî ke tede derman bîyêne de weşîya xo vîndî kerde. Île wextêko derg bi ke derman bîyêne. Mergê aye bajar de bi sebebê xemgînîya pîle.
Île hem mîyanê cuya karî ya Amedî de hem zî mîyanê rêxistinanê komelanê sîvîlan de tesîrêko pîl verdaybî û sey "Xatûna Nevin" ameyêne zanayîş.
Nevin Île kam a?
Nevin Île serra 2022yî de bi qerarê pêroyî ameye weçînayîş û bîye sereka meclîsî ya cinîye ya verên ya tarîxê DTSOyî. Aye serranê dergan mîyanê DTSOyî de, tewr zaf zî Serekayîya Meclisê Cinîyan û Heyetê Cinîyan ê teşebuskarî yê TOBByî yê Amedî de seba peydaketdişê istîhdamê cinîyan xebatî kerdî.