ZAZAKÎ NEWS - Federasyonê Futbolî yê Tirkîya (TFF), seba sloganê Kurdkî yê serê sîneyê forma ra, Amedsporî rê 110 hezar lîra cezayê pereyî birna.
Sloganê “Koma me bona we” yê formayanê Amedsporî de ca gêno û bi Kurdkî manaya “Grûba ma seba şima” dano. Bi qebûlkerdişê TFFyî ligê profesyonelî de serê formayan de reya verêne sloganê Kurdkî ca girewtbi.
Serokê Amedsporî Burç Baysalî, cezayî rê reaksîyon mojna, va ke, slogano Kurdkî, bi qebûlkerdişê fermî yê TFFyî formayan ser o ame çapkerdiş. Ma bi na fîrma reyde pîyameyîşê sponsorî, badê qebûlkerdişê fermî yê TFF’yî kerd. Nika zî seba sloganê ke verê cû ameybî qebûlkerdiş, klûba ma ameya cezakerdiş. Na yew neheqîya eşkera ya û vera Kurdkî yew bêtahammulîyeto eşkera yo.”
Baysalî va ke, cezaya ke ameya dayîş, bingehê xo yê huqûqî çin o û hem klûbe hem zî fîrmaya sponsorî goreyê qanûnan hereket kerdê.