Saziya Îstatîstîkî ya Tirkîya (TÜÎK), îstatîstîkê karî yê menga nîsana 2026î eşkere kerdî. Kesanê emrberzan de hûmarê bêkaran menga nîsane de goreyê menga verêne 5 hazar kesî kêm bi û bîy 2 mîlyon û 868 hazar kesî. Nîsbetê bêkarîye zî 0,1 puan zêde bi û resa sewîyeya se ra 8,2.
Goreyê doneyanê TÜÎKî; nîsbetê bêkarîye camêrdan de se ra 6,8, cinîyan de zî se ra 11 de ame peymitiş.
Goreyê doneyanê TÜÎKî; hûmara kesanê ke gureyenî menga nîsane de goreyê menga verêne 356 hazar kesî kêm bî û kewt 32 mîlyon û 166 hazar kesî. Nîsbetê îstîhdamî zî 0,6 puan kêm bi û bi se ra 48,1. No nîsbet camêrdan de se ra 65,4, cinîyan de zî se ra 31,2 de ame peymitiş.