ZAZAKÎ NEWS - Grûbe, verê cû bi eserê xo yê bi nameyê “Estarê Tarî” dîqet antbî xo ser û xebatê înan bi xususî medyaya sosyale de rastê eleqeyêko pîl amebi. Dima nê eleqeyî, wendekarî seba projeyêko newe onca kewtî studyo. “Tij” o ke qisey û muzîkê ci eîdê Îsmaîl Yildizî yo, bi fekê wendekaran resa goşdaran. Mîyanê klîbe de temaya tîje ser o mesajê derheqê hêvî, roşnayî û ameyoxî yeno dayîş.
Yildizî da zanayîş ke wezîfeyê înan yo pîl paştgîrîya neqilkerdişê Zazakî yo seba neslanê neweyan o, dîqet ant serê muhîmîya qiseykerdişê Zazakî yê bi tutan. Yildizî va ke: “Eleqeyo ke seba ‘Estarê Tarî’ ame mojnayîş nîşan da ke tutê ma seba ziwanê xo çendêk eleqedar ê. Ma bi nê motivasyonî projeyê ‘Tij’î kerd hadre.”