Eşkerayîya ke hetê vakfî ra ameye kerdiş de ame vatiş ke her kes eşkeno namzetan pêşnîyaz biko.
Goreyê naye, her kes eşkeno namzedan bimojno û h namzedî zî eşkenî xo seba xelate pêşnîyaz bikê. Qeraro peyên ê derheqê wayîrê xelate de do hetê Heyetê Îdareyî yê Vakfê Kulturî yê Avesta ra bêra dayîş.
Xelata Rûmetî ya Avesta ya ke do her serre bi nameyê şexsîyetêko tarîxî yê cîya bêra dayîş, serra 2026î de bi merasîmêko do Dîyarbekir de bêro kerdiş, bêro eşkerakerdiş.
Seba kesê ke layîqê xelate amey vînayîş, do plaket, 100 hazar TL xelata pereyî û setêko taybetî yê kitaban ê derheqê gureyê ey de bêrê dayîş.
Pêşnîyazê namzedanê seba xelate, do heta roja 15ê êlula 2026î seba adresê avestaculture@gmail.com bêrê şawitiş.
No zî aşkereyîya Avesta yo
"Xelata Rûmetî ya Avesta
Weqfê Kulturî yê Avesta yo ke seba ke kulturê kurdan berdewam bikero û raver şoro, awan bîyo, 2026 ra tepîya, her serre do Xelata Rûmetî ya Avesta bidero. Ma wazenîme ke bi Xelata Rûmetî ya Avesta kesê ke seba seveknayîşê, raverşî- yayîşê û neqlkerdişê kulturê kurdan keda xo danê û her wareyî de bi behremanê xo yê fikrî tesîrê manayin û timî afirînenê, înan rûmetdar bikerîme. Hedefê na xelata o yo ke kesê ke wareyî kulturî de xebatanê cîya cîyayan kenê, bi ne xebatanê xo ma rê rayîr kenê ra, îlham danê, û berdewamîya mîrasê kul- turî yê Kurdî de keda xo danê, wa nê kesî bêrê naskerdene û vejîyerê meydan ke ma zî deynê xo yê vefayî bîyarîme ca.
Keyberê weqfê ma seba pêşnîyazê namzedan akerde yo. Her kes eşkeno namze- tan pêşnîyaz bikero û namzedî bi xo zî eşkenê xo pêşnîyaz bikerê. Qerarê peynîye yê tayînkerdişê wayîrê/a xelate zî hetê Heyetê Îdareyî yê Weqifê Kulturî yê Avesta ra bêro dayene. Xelate ke her serre bi nameyê şexsîyetêde tarîxî yê cîyayî bêro dayene, serra 2026 de aşma payîzî ya mîyanêne de, Dîyarbekîr de bi merasîm do teqdîmê wayîrê yewînî/ wayîra yewîne bibo. Seba keso/a ke layîqê xelate amo/a tayînkerdene: •Plaketê, •100.000 TL pere, •Setêde kitaban yê ke bi taybetî goreyê wareyê xebatî yê ey/aye ameye amede- kerdene, bêrê dayene. Pêşnîyazê namzedan hetanî 15ê aşma payîzî ya verênê ya 2026î eşkenê nê adresî ra: avestaculture@gmail.com bêrê ruşnayene/ şawitene. Weqifê Kulturî yê Avesta.
AVESTA KÜLTÜR VAKFI
WEQFA KULTURÎ YA AVESTA
AVESTA CULTURAL FOUNDATION