Seke zanîyeno terefdaranê Bursaspporî maço ke Bursasporî no hewte kay kerdbî de sîyasetmedara Kurde Leyla Zana rê heqeretî kerdbî, ci rê nengî çînabî.
Wezîrê Edaletî yê Tirkîya Yilmaz Tunçî îfade kerd ke cigêrayîşê derheqê vîdeoyan de dewam keno û sazîyê rayedarî babete ser o xebitîyenê.
Wezîrê Edaletî Yilmaz Tunçî Parlamentoyê Tirkîya de cewab da persan. Parlamentera Partîya DEMî Gulîstan Kiliç Koçyîgîtê persa heqaretanê vera Leyla Zana ey ra kerde.
Tunçî va ke spor seba birayîye yo û ganî nêbo mazemeyê cîyakerdişî û wina va:
“Ma pêro wazenê ke prosesê aştî ser bikewo. Ma wazenê ke tu hereketê ke zerar bidê nê prosesî nêbê. Na nuqte de, bi mesulîyet têgêrayîşê her kesî do seba feydeyê nê welatî û nê miletî bo."
Tunçî wina dewam kerd: "Wexto ke ma vera nê tewir hedîseyan reaksîyonê xo nîşan danê, ganî ma pêroyî nêkerê; o wext rewşêka ke zerar dana prosesî, vejîyêna meydan. Semedê ney, ganî ma nêrê nê provokasyonan û bi taybetî seba aramî û ewleyîya welatê ma, bi mesulîyet têbigêrê. O wext welatê ma zerar vîneno. Derheqê hedîseyan de tehqîqatê îdarî û edlî yê lazimî yenê kerdene. Sazîyê rayedarî na babete ser o xebitîyenê."