ZAZAKÎ NEWS- Tesnîfkerdişê Merheleyê Asayîşê Xidayî yê Entegreyî (IPC), ke hetê Neteweyanê Yewbîyayeyan (NY) ra yeno paştîdayene, da zanayîş ke Xeze û dormeyê ci de veyşanîye ameya tesdîqkerdene. Goreyê texmînê sazgehî, “şertê felaketî” do hetanî peynîya aşma Êlule Deyr el-Belah û Xan Yûnis de zî vila bibê.
Hêzanê Pawitişî yê Îsraîlî (IDF) zî veng da xebatkaranê weşîye û sazgehanê mîyanneteweyîyan ke şaristan de mîlyonêk welatijî berê stargehanê ke başûrê şaristanî de yê.
Dima hêrişê Hemasî yê 7ê Teşrîna Verêne ya 2023î yê vera Îsraîlî ra, operasyonê vera Xeze dest pêkerdbî. Goreyê hûmaranê peyênan, hetanî nika Xeze de 62 hezarî ra zêdeyêr kesî ameyî qetilkerdiş. Tena aşma Temmuze de 112 gedeyî (domanî) veyşanîye ra merdî.