Mi emşo hewnê xo di dî ez merdo,
şîyo yewca ki çend kesî ha roniştêy u qisêy kenî,
mi xo nizdî înan kerd
Ez ewnîyayu ki ez têdini şinasneno
mi silam û merheba da yini
Mi va ez eşkeno şima bigoştaro?
înan va keremki bê roşi,
ez ronişto
mi va ki
ez şima hemini şinasneno
va de vaci ma kamî?
ti kotîra ma şinasnênî?
mi va!
no şêx seîdo,
xalit begê cibirî yo,
salih begê hêni yo,
qazî mihemedo,
m mistefa berzanîyo,
seyîd rizayo,
evdilmecîd'o,
yado,yo,
Zarîfe xanima
Leyla qasim' a
eyşeşan'a
keso/a ki şima şinaşnenî têdi uca de bî
mi yew bi yew namê înan va,
Zaf kêfî înan ame u cemhetî xo romit
Her yew qalê wextî xo kenî,
Ez zî dest dano sênêy xwuro u sere leqneno
Ê hewnînî yewbînanra vanî
no xort zaf mara heskeno bewlîyo!
cemhetî înan qedîya
va ki ma warzenî
Yew vateni to esto vaci?
mi va ney vateni mi çiniyo
la ez şimara zaf heskeno
her serri şima ano vîrrî xo!
înan mira persayî
va ki ti kotîra yî?
Mi va amed,
Va ki ti keydi xwu di
bi kulfet û embazanê xwu di
kam ziwan qisêy kenî?
Mi va ki tirkî!!
Hema nişkera (xelfetra)
şêx seîd warişt pay u va
embazêni warzêni ma şêrî
no qebrax ma xapêneno
ma ra hesnêkêno
o zûrî keno,
seba ki şima ziwanê xo rî wayîr vecî
ma ganî xo kerd vinî,
reyna reyna
sûretonê ma
qiseyonê ma barmeke
U mevaci ez înanra heskeno,
ma rî heskerdişo zûra lazım nîyo
De warzi biteqezî şo.
çokî mi sist bî
zerêy mi teng bî
ez bermayo
mi va na çi weli bî mi xwu ser kerd
ez qomê xwu ra ataqyayo
bîyo sey biza zûngûrî
na het na wet şino yeno
na çi babetbî amê mi serî ser
terseno ki bê mezel bimano
Neway û hewt serrî'yo ki na hewnî
Veyneno
ez xo aqilyayo
Ki lacê mi vano
Baba kalk günaydın!!!!?
( Pî mi Warz sodiro)
29/06/2022
Munzur can...