Wendiş: Ozcan Yılmaz / Dêrsim
Dîwa sonî/şewe
Ya Tîjîya homete, ya Olî*
Ti wayîrê asme û astarû na, wayîrê hard e dewreşî û asmen e kewî ya,
Ti topê nurî ya,
Ma rê qilva û mêrav a
Misriq de vejîna, mixrib de sona
Na wo nîşta ro zerq/zereq gira gira oncîna çê xo
Eve xêr so mekanê xo
Eve xêr peyîser racîye
Ya bimbarek ti ma gul û roştîya xo ra, nur û tanîya xo ra morim meke
Sifte hometa xo (bi)de
Tayr û turî de
Dar û kemerî de
Lewe de kî ma neçarû de
Nas û dostê ma
Zar û zêçe ma
Neqî ra, bêbextî ra,
zûr û huske ra, xezeb û xisme ra, qeda û bela ra bisevekne ya Olî
Zereq: son de tîjî/roz ke kowû ra şî rîyê asmenî de ju xet a zerd û çeqer û sure pêda bena. Na ye ra zerq/zereq vacîno. Sodir ke tîjî/roz vecîye/a na xet a zerd û çeqere oncîya vecîna û vane tîjî zereq do…
Misriq: rojhilat/rozda
Mixrib: rojava/rozwar
Xisme: dismenîye, xiravinîye
Na dîwa son de tîjî ke kowû ra şîye vacîna
Ozcan Yılmaz