Serekşaredarê Esenyurtî Ahmet Ozero ke newe hepisxane ra vejîya, Serekê Pêroyî yê CHPyî Ozgur Ozelî dir ame têhet û va, "Heta ke heq, huqûq û edalet bêro ca, mucadeleyê ma do dewam bikero."
Ozerî, hesabê xo yê X'î ser o fotografê zîyaretî reyde no mesaj pare kerd:
"13 aşman ra dima, roja verêne ya azadîya min a de, ma bi Serekê ma yê Pêroyî yê Birêzî Ozgur Ozelî reyde, yo ke bi mucadeleyê xo yê teberî, heps de her tim ma rê bi hêz û hêvî, cayêko azad de ameyî têhet; ma yewbînan virard kerd û hesreta xo şikite. Heta ke heq, huqûq û edalet cayê xo nêvîno, heta ke aştîye û demokrasî newe ra nêronîyo, mucadeleyê ma do her tim dewam bikero."
Ahmet Ozer, çarçeweyê cîgêrayîşanê cîya-cîyayan de wextêko derg tepişte mendibi û nê rojanê peyênan de derheqê ey de qerarê veradayîşî amebi dayîş.