Deyîrbaz Ali Doğan Gönültaş mîyanê na aşme de Amed de heskerdoxanê xo dir yeno têhet.
Konserê Ali Doğan Gönültaşî hetê organîzasyonê Amîdartî ra ameyo tertîpkerdiş û konsêr do 17ê Hezîrane de bêro dayîş.
Konsêr do 17ê Hezîrane de Merkezê Kulturî yê Cahit Sıtkı Tarancı de saete 20.00 de bêro dayîş.
Semedê ameyîşê konserî cayê rotişê bilêtan zî aşkere bîyo û bilêtê konsêrî do nê cayan de yenê rotiş.
*Biletinial (Link Bio'da)
Taş Mahal Cafe
Gabo Kitchen
Ma Music
ZAROK Ma
Ro Mekan
Ben û Sen Meyhane
Ali Doğan Gönültaş serra 1985î de Çewlîg de ameyo dinya. Ali Doğan Gönültaşî bi hawayo profesyonel koma Ze Tîje ke o bi xo zî ronayoxanê aye ra yo de dest bi muzîkî kerdo. Serra 2018’î ra nat xebatanê xo bi nameyê “Xo Bi Xo” ser ra keno û konsêran dano. Gönültaşî par albumê xo yê bi nameyê "Gêxî/Kiğı" vila kerdibî û albumê ey raştê eleqeyêko weş amebi.
