Son Dakika Haberleri

Dima ke Amedsporî Trabzonspor 2-1 kerd mexlub, yew otobusa terefdaranê Trabzonsporî de şexsêk vera Kurdan qiseyê nijdperestî kerdî; reaksîyonan ser o şexs ame dest bendkerdene.

Hunermendê Yeşilçamî Mehmet Ali Akpınarî ke zafanê fîlmanê xo de rolê “camêrdê xirabî” kay kerdêne Dêrsim ra û Zaza bi.

Wîlayetê Îdlibî yê bakur-rojawanê Sûrîye de otomobîla ke mîyanê aye de cebilxane estbi teqa; netîceya teqayîşî de 5 kesî merdî û 5 kesî zî birîndar bîyî.

Platformê Pawitiş û Yewbîyayîşê Bajarê Amedî bi wesîleyê 1ê êlule Roja aştîye ya Dinya eşkerayîye da û va: “Çareserkerdişê meseleya kurdan gamêka zaf muhîme ya û Tirkîya de standardê demokrasî berz bikero; coka ma venga heme beşanê komelî danê ke seba aştîyêka menda gaman bierzê.”

Konservutuvarê Şaristanî yê Aram Tîgranî de ke Şaredarîya Amedî ya Şaristanê Girdî, badê ke îdareyê qeyûmî ci girewtbî, 9 serrî dima newe ra dekerdo falîyet, qeydê demserra newîye dest pêkerd. Muracatê beşanê sînema, tîyatro, muzîk, muzîkê gedeyan, ziwan û edebîyatê kurdkî û govende do mabênê 1-20ê êlule de DÎSMEK'î ser o bêrê kerdiş.

Ferhengê Vateyî yo ke bi xebatêka hîrîs serran hetê Grûba Xebate ya Vateyî ra amebi amadekerdiş, êdî sey aplîkasyonê mobilî zî xizmet dano. Ferhengê Zazakî yê Vateyî aplîkasyonê App Store û Google Play Store de zî ameyo vilakerdiş.