Son Dakika Haberleri

Amedsporo ke Lîga Super de serkewte yo, hewwteyê 8ine de saete Amed de Konyaspor dir yeno têver.

Komeleya Kultur û Piştdayîşî ya Dêrsimî ya Îzmîrî, bi kursê zazakî yo ke hîrê serrî yo dewam keno, seba neqlkerdişê ziwanê maye yê neslanê ameyoxan xebatanê xo domnena.

Zazakî Newsî, seba neqlkerdişê zazakî yê neslanê neweyan, giranî daya tedeyanê anîmasyonî. Platform keno ke gedeyî bi ziwanê xo yo maye dir têkîlî rone.

Rojê Sînemaya Ewropa yê 4. ke hemkarîya Şaredarîya Amedî ya Şaristanê Girdî û Merkezê Agahîyan ê YE yê DTSO'yî de yenê organîzekerdiş, 21-25ê teşrîna verêne de welatanê cîya-cîyayan ê Ewropa ra 16 fîlmanê weçînayayan do sînemahesan reyde bîyarê têhet. Akerdişê festîvale ke tede mojnayîşî bêpere yê, do 21ê teşrîna verêne de bêro kerdiş.

Mezrayanê Dere Elî û Dere Çetî yê dewa Bore (Çıralı) ya ke girêdayîya merkezê Dêrsimî ya de, problemo elektrîkî yo ke teqrîben 100 serrî yo dewam keno, yeno helkerdene. Yeno pawitene ke bi temambîyayîşê xebatanê xeta elektrîkî ya ke ameya dest pêkerdene, her di mezrayî biresê elektrîkî.

Edebîyatê zazakî de her ke şono pênûsê newî û karkerê kirdkî berhemê hewlan anê meydan; nê kedkaran ra yew zî şaîr Wisiv Pîrbab o.

Goreyê doneyanê Şaredarîya Îstanbulî ya Şaristanê Girdî (ÎBB) Îstanbul de metrekareyêk de 242 kîloyî varan varayo. No varan 1985 ra nat varano tewr zêde yo. 2 kesî cuya xo ra bîyî, bi hezaran awanîyî binê awe de mendî.

Qezaya Kanîreşîya Çewlîgî de varişo xurt cuya rojane kerd zehmet; rayîr û cadeyî mîyanê awe de mendî û esnafan dikanê xo bi îmkananê xo kerdî a.