Kontrolanê Şaredarîya Amedî ya Şaristanê Girdî de 426 kîlogram goştê kergan yo ke demê înan vîyarto û weşîya merdiman tehdît kenê ameyî destserronayîş û ameyî îmhakerdiş.
Ekîbanê Şaredarîya Amedî ya Şaristanê Girdî yê Kontrolê Xidayan û Zabîtayan cayê karî yê ke doner kerge roşenê sehna. Demê peyênî yê berheman, prosesê hazirkerdişî û hîjyenê cayê karî bi hîrayî ameyî kontrolkerdiş.
Berhemê ke weşîya şarî tehdît kenê ameyî destserronayîş û seba dikanan prosesê huqûqî dest pêkerd.
Ame vatiş ke, Şaredarîya Amedî ya Şaristanê Girdî, serra 2025î de 8 hezar û 178 dikanî kontrol kerdî û perwerde da 24 hezar û 718 kesan.
