Şaredarîya Bajarê Pîlî ya Amedî seba ke kurdkî warê rayapêroyî de dahîna erjîyaye û sey ziwanê hemparî bêro şuxulnayene xabatanê xo domenena.
Na çarçewe de hetê Mudirîya Şûbeyê Pawitiş û Averberdişê Ziwanî yo ke binê serbanê Serekîya Daîreyê Kultur Huner û Karanê Komelkî de falîyet raya beno, Komxebata Konseptê Şaredarîye ameye organîzekerdene.
Komxebata ke vizêr dest pêkerd û do heta 12ê temmuze dewam bikero, yeno waştene ke konsept û termê ke şaredarîyan de yenê şuxulnayene bêrê halê standartî, ferqê termînolojîkî werte ra bêrê wedaritene û şuxulnayîşo hempar bêro pêardene.
Pîya bi endamanê komîteya ke prosesê hazirîye rayra beno, Horasan, Duhok, welatanê cîya cîyayan ê Ewropa ra û bajaranê cîya cîyayan ê Tirkîya ra akademîsyen, zanistê ziwanî û cigêrayîşo tewrê komxebate bîyî.
Komxebate de yeno waştene ke problemê ke terminolojîya şaredarî ya kurdkî yenê ciwîyayene bêrê tesbîtekerdene, erjnayene û derheqê nînan de pêşnîyazê çareserî bêrê averberdene. Badê kombîyayîşê şeş rojan de do raporêk bêro eşkerakerdene