Festîvala Girê Koxî ya 12. ya Şaredarîya Gimgimî ke serra 2015î ra nat bi bahaneyê ‘“emnîyetî” amebi qedexekerdene, badê 12 serran, emser reyna yeno viraştene. Festîvale bi sloganê “Bi hêzê hunerî do aştî bêro welatê rojî” do 3 rojî dewam bikera. Festîvale de do 3 rojî nawitgehê resîman, babetanê cîyayan ser o panel û wendişê şîîran, seba gedeyan atolyeya boyaxî, dîwanê dengbêjan û konserî bêrê viraşten. Roja 1. ya festîvale bi rayîrşîyayîşêk bi dawul û zirnayan merkezê qezaye ra hetanî Meydanê Koxî yo ke festîvale tede yena viraştiş, dest pêkerd. Xeylî welatijî tewrê rayîrşîyayîşî bîyî û welatijan verê rayîrşîyayîşî verê dawul û zina de govend çarna.
Verê ke rayîrşîyayîşê festîvale dest pê bikera, girseyêk berê qezaye ra hetanî Meydanê Festîvale rayraşîyî û badê zîyaretê “Nawitgehê Hunerê Hemdem yo Têmîyankerde” yê Koperatîfê Cinîyan ê Vartoyî kerd. Tewrbîyayoxan eleqeyêka girde mojna eserê ke nawitgehî de ameybî mojnayene û wayîrê eseran ra derheqê eseranî înan de agahî girewtê.
Dima ra girse Hemşaredarê Gimgimî, Giyasetîn Aydemîrî reyde şîyî nawitgehê resîman ê Kuçeyê Sofîyanî. Tîya de Hemşaredar Giyasetîn Aydemîr qiseykerdişêko kilm kerd û vat: “Badê 11 serran ma festîvala xo reyna virazenê. Şarê Gimgimî rê pîroz bo.”
Programê ewro yê festîvale wina yo:
Babete: Wêrankerdişê Ekolojîye
Panelîst: Esra Işik (aktîvîsta ekolojîyê), Çayan Dursun, Dêrsim Gul, Îbrahîm Akin (Parlamenterê DEM Partî)
Saete: 14:00 – 15:00
Ca: Baxçeyê Çaye yê Meydanê Gimgimî
Panel: Problemê Kurdî de Çareserîya Demokratîk
Beşdarî: Sebahat Tuncel (Aktîvîsta TJA’yî), Avûkat Cîhan Aydin (Avûkatê Heqê Medriman), Zeynel Kete (Hemserekê Pêroyî ê DAD’î)
Saete: 15:00 – 16:00
Ca: Baxçeyê Çaye yê Meydanê Gimgimî
Konsera Destpêke:
Komîteyê Hedrakar ê Festîvale
Silamdayîşê temsîlkaranê sazgehê meymanî
Qiseykerdişê Ozgur Yetîş Aslan (Serekê VADEF’î)
Qiseykerdişê Hemşaredaranê Gimgimî (Gulbahar Kaya – Giyasettîn Aydemîr)
Hunermend: Navdar Denîz, Umut Gunduz, Firat Guneş, Dodan
Saete: 19:00 – 24:00
