Enwer Yılmaz
Komeleya Cigêrayîşanê Ziwan û Kulturê Mezopotamya (MED-DER) ya ke merkezê aye Amed de yo û atolyeyanê kurdkî (zazakî-kurmanckî) yê ribirî û onlîne rayra bena, seba endamîya ziwanê kurdkî venga seferberîye da.
MED-DERî bi eşkerayî û afîşêko ke bi şîarê "Ziwanê ma estbîyayîşê ma yo" amade kerd, da zanayîş ke pawitiş û averberdişê ziwanî tena bi rêxistinkerdiş û wayîrvejîyayîşê dezgehanê kurdkî mumkîn o.
Eşkerayîya MED-DERî de wina ame vatiş:
"Ziwanê ma estbîyayîşê ma yo: Kerem bikerê, ma wayîrê dezgehanê xo bivejîyê ke xizmetê pawitiş, vilakerdiş û averberdişê ziwanî kenê! Wazîyeno bi polîtîkayanê asîmîlasyonî kultur û ziwanê ma çin bibo.
Pawitiş û averberdişê ziwanî tena bi rêxistinkerdiş û wayîrvejîyayîşê dezgehanê kurdkî mumkîn o. Domdarîya xebatanê dezgehan girêdayeyê darax û qewetê piştîdayîşê ma yo. Bi endambîyayîşê dezgehanê ziwanî xebatê ziwanî xurtêr benê. Her hetkarî mertalê ziwanî biqewetêr û şênber kena.
Ewro roja wayîrvejîyayîşê kultur û ziwanê ma ya. Seba ameyoxî ziwanê xo bipawe û bibe endamê dezgehê xo! Bi kurdkî biwane, piştî bide, bi kurdkî biciwîye!"
Komeleye da zanayene ke kesê ke wazenê bibê endamê dezgehê ziwanî, eşkenê bi rayîrê lînkê endamîye yan zî bi numreya WhatsAppî (0546 121 85 90) bikewê têkilîye.
No zî lînkê endamtî yo





