Ame zanayîş ke Cemal Altinsoyo 63 serrî yo ke Taxa Selahîye ya qezaya Serdîvanî de cuyêne, krîzê qelbî vîyarnayo û nêrdîwananê keyeyê xo ra kewto war.

Merdimanê ey ê ke Altinsoy nêrdîwanan ser o bêhereket dî, xebere da Merkezê Vengdayîşê Lezînî yê 112yî . Ekîbanê weşîye yê ke îxbarî ser o ameyî, kontrolanê ke kerdî de tesbît kerd ke Altinsoyo 63 serrî merdo.

Cemal Pîranijo ke serranê 1990î ra nata mîyanê xebatanê nuştişê zazakî de ca girewtêne, bi xebatanê xo yê meqale, ceribnayîş û roportajî ameyêne şinasnayîş.

Nuştox Û Cigêrayox Cemal Pîranijî Dinyaya Xo Bedilna-1

Pîranijo ke averşîyayîş û standardbîyayîşê zazakî ser o sey ziwanê nuştişî xebatan ramitêne, beşdarê kombîyayîşanê Grûba Vateyî zî bîbi. Destpêkê serranê 1990î ra nata kovar û rojnameyanê zazakî de nuşteyê ey weşanîyayî.

Mîyanê eseranê ey de Nuşteyê Verênî, Nuşteyi Serrande Newayinan û Roportaje Zazaki estê. Kitabê nuştoxî yo bi nameyê Roportaje Zazaki yo ke serra 2025î de bi etîketê Weşanên Arya weşanîya zî xebatanê ey ra yew bi.

Cemal Pîranijî nuşte û xebatanê xo de ca da zazakî, edebîyatê aye û averşîyayîşê tarîxî yê zazayan.

Eşkerakerdişo ke hetê keyeyê ey ra ame kerdene de ca dîya îfadeyanê “Cano yewane, babîyê ma Cemal Altinsoy (Cemalê Pîranij) cuya xo vînî kerda”.

Cenazaya Cemal Pîranijî meşte nimajê êreyî de Camîyê Selahîye yo ke qezaya Serdîvanî ya Adapazari de yo ra do bêro wedaritene.

Dima wefatê nuştoxî zaf mesajê serweşîye ameyî weşanayene.

MESAM musabeqaya bestayan virazeno: Seba zazakî zî muracat yeno kerdene
MESAM musabeqaya bestayan virazeno: Seba zazakî zî muracat yeno kerdene
İçeriği Görüntüle