Amed de seba Seyîd Rizayo ke serra 1937î de hedîseyanê Dêrsimî de amebi daliqnayîş, bernameyê yadkerdişî yeno organîzekerdiş. Program hetê DEKUP û Şubeyê Amedî yê Komeleya Kulturî ya Pîr Sultan Abdalî ra yeno viraştiş.
Bername saete 18.00 de dest pêkeno
Seba programo ke 14ê teşrîna peyêne roja şemeyî saete 18.00 de Salona Konferansî ya Alî Emîrî de yeno kerdene, vengdayîş de wina ame vatene: “Seba ke ma hafizaya xo ya tarîxî ganî bitepişê û wayîrê têkoşînê ey bivejîyê, ma şima dawetê programê yadkerdişê Seyîd Rizayî kenê.”
Afîşê îlanê bernameyî de vateyê Seyîd Rizayî yê “Ma ewladê Kerbela yê, ma bêxeta yê, ma bêguna yê. No eyb o, zilm o, cînayet o.” zî ame parekerdene.
