Çapemenîya Zazakî ra heta ewro: Tarixê kovar û rojnameyanê ma

Serranê verênan ra nat dewleta Tirkîye de hemberê ziwan û kulturê kurdî baskî û qedexeyê giranî ameyî meşutene; rêça weşanê zazakî ke bi rojnameyê Roja Neweyî serra 1963î de dest pêkerdbî, bi kovar û rojnameyanê cîyayan resaye ewroyî.

09.11.2026 - 14:55 Yayınlanma

Çapemenîya Zazakî ra heta ewro: Tarixê kovar û rojnameyanê ma

Celalî Çelîk

Seke yeno zanayene, badê awankerdişê Komara Tirkîye ziwanê kurdî mîyanê sînoranê dewlete de ame qedexekerdene. Nê teziq û baskîyan de teyna nuştiş ney, qîm nêkerd qiseykerdişa bi na ziwanî zî ame astengkerdene. Kesê ke bi ziwanê dayîka xo qisey kerdêne, rastê cezayanê giranan ameyî; xeylêk merdimî ameyî destbendkerdene û heta ameyî kîştene.

Enê mercanê çetin û girîngan de, lehçeya zazakî awankerdişa komare ra heta serranê 1960î mîyanê tu weşanêko domdar de cayê xo nêgırt. Çapemenî û weşanê ke bi temamî bi kurdkî bîy caverdê, kovare û rojnameyanê ke bi ziwanê tirkî weşan kerdêne de zî zazakî rê qet cayêko kîfş nêame dayene. Na rewşe rê gelek sebebê komelkî, polîtîkî û sîstematîkî est bîy.

Metnê zazakî ê tewr verênî ê ke mîyanê çapemenîye de ameyî belavkerdene, rêzê verênî de rojnameyê Roja Newe de ameyî vînayene. Hûmara verêne ya nê rojnameyî serra 1963î de vejîya. Badê na pêngava tarîxîye, kovar û rojnameyanê cîya-cîyayan de nuştiş û weşanayîşê zazakî dewam kerd.

Cêr de name, tarîx û serpêhatîya nê kovar û rojnameyan bi rêze ameyê naskerdene:

Roja verî ra heta ewro kovare û rojnameyanê ke ca dayo zazakî wina yê:

• Roja New, Îstanbul, 1963

• Özgürlük Yolu, Ankara & Îstanbul,1975

• Roja Welat, Ankara, 1977

• Devrimci Demokratik Gençlik, Ankara & Îstanbul,1978

• Kovara Tîrêj, Îzmîr, 1979

• Dengê Komkar, Frankfurt & Koln, 1979

• Armanc, Stockholm, 1979

• Berbang, Stockholm, 1982

• Hêvî, Parîs, 1983

• Berhem, Stockholm, 1988