Qezaya Baglarî ya merkezê Dîyarbekirî de, netîceya piroginayîşê wesayîto tîcarî yo sivik û kamyona bi barê tupan de 2 tutî merdî, 2yê ci giran 12 kesî zî birîndar bîyî.
Eşkerayîya ke hetê Walîtîye ra ame dayîş de ame vatiş:
“Tarîxê 02.11.2026î de dorûverê saete 22.00î de, qezaya Baglarî ya Dîyarbekirî Rayîrê Mêrdînî Çatrayîrê Oglakliyî de, kamyona bi barê tupan û wesayîto tîcarî yo sivik da yewbînan ro û qezaya trafîkî amey meydan. Dima qeza seba cayê hedîseyî 8 ambûlansî û 24 xebatkarê weşîye ameyî sewqkerdiş; hetê ekîbanê ma yê weşîye ra cayê hedîseyî de mudaxeleyo verên ame kerdene û neqlê nêweşxaneyan bîyê.
Qeza de 2 hemwelatîyanê ma merdî, 2yê ci giran pêro pîya 12 hemwelatîyê ma birîndar bîyî. Tedawîya birîndaranê ma ya nêweşxaneyanê bajarê ma de dewam kena. Hemwelatîyanê ma yê ke cuya xo vînî kerde rê Homayî ra rehmet, keye û merdimanê înan rê serweşîye, birîndaranê ma rê zî şîfa wazenê. Derheqê qeza de tehqîqato edlî ame dest pêkerdene.”
