Hedîse, qezaya Qowancîyan Taxa TOKÎyî de ameye meydan. Goreyê agahîyanê ke ameyî girewtene, mîyanê di grûban de seba sebebêko ke hema nêzaniyeno munaqeşe vejîya. Bi pîlbîyayîşê munaqeşeyî, keso ke nasnameyê ey nêameyo tesbîtkerdene, bi dabançeyo ke bi xo dir na Muhammet Donduyo 27 serrî û o giran birîndar kerd û dima cayê hedîseyî ra rema.
Hemwelatîyanê dormeyî ke hedîse dîye, birîndar bi wesayîtê xo wedart Nêweşxaneyê Dewlete yê Qowancîyan. Muhammet Donduyo ke giran birîndar bîbi, bi ambûlansî sewqê Nêweşxaneyê Şaristanî yê Fethî Sekînî yê Xarpêtî bi, labelê pa pêro mudaxeleyan nêxelisîya û cuya xo vînî kerde.
Meyîtê Donduyî seba viraştişê otopsî ame wedaritene bi morgê Nêweşxaneyê Unîversîteya Firatî.
Wexto ke ekîbanê polîsî cayê hedîseyî de cigêrayîş kerd, seba tepiştişê şubhedaro ke remayo xebate ameye destpêkerdene.
