Amed de bi hemkarîya Komeleya Çand, Huner û Wêjeyî ya Cinîyan (KASED), Sanatça Organîzasyon û Komeleya Dîcle ya Çand û Hunerî Festîvala Govende yena diyîne virazîyena. Festîvala ke do tede zaf komê govende vejîyê serê sehne û kayanê herêmanê xo nîşan bidê, 31ê teşrîna verêne de bi rayraşîyayîşê kincanê kurdkî dest pêkena. Peyê rayraşîyayîşî Merkezê Çand Amedî de bi sernameyê "Tarîxê çandê kurdan de heqdariya govende" panelek yeno dayîş.
Programê festîvale do 1ê teşrîna peyêne de bi mojnayîşê govendanê herêmîyan dewam bikero. Komê ke Amed, Ewropa, Colemêrg, Çewlîg, Stenbol, Urmiye, Êlih, Mêrdîn, Mêrsîn, Bedlîs û Wan ra yenê pêser, kayanê herêmanê cîya-cîyayan pêşkêş kenê.
Fêstîvale bi konsêrê hunermende Neslîhan Edîşe qedîyeno.
Programê festîvale:
31ê Teşrîna Verêne:
Rayraşîyayîşê bi kinc û postanê kurdkî
Panela “Tarîxê çandê kurdan de heqdariya govende” (Çand Amed)
1ê Teşrîna Peyêne:
Mojnayîşê kay û govendanê komanê herêmîyan
Konsêrê Neslîhan Edîşe
