Mehkemeya Cezayê Giran a 13îne ya Stenbolî, qerarê Daîreya Pîle ya Mehkemeya Heqanê Merdiman a Ewropa (DHM) yê 25ê tebaxa 2026î ra dima muracetê avukatanê Osman Kavalayî yo seba veradayîş û newe ra muhakemekerdişî red kerd.
Goreyê xebera Alîcan Uludağî ya ke DW Tirkî de weşanîyaya, Sersavcîtîya Komare ya Stenbolî fikrê xo de îfade kerd ke Mehkemeya Qanûnê Bingeyênî (AYM) hîna qerarê xo yê derheqê Kavalayî de nêdayo û rayîrê huqûqê zereyî nêqedîyayê; coka waşt ke muracet bêro redkerdiş.
Mehkeme zî waştişê avukatanê Kavalayî yê seba vindarnayîşê înfazî, veradayîşê muwekîlê înan û newe ra muhakemekerdişî red kerd. Reyde zî qerar da ke înfazê qerarê 25ê nîsana 2022yî dewam bikero.
hefteyan mîyan de Mehkemeya Cezayê Giran a 14îne ya Stenbolî rê îtîraz bêro kerdene.
